Што треба да знаете кога угостувате семејства

Бидејќи многу канцеларии, училишта и градинки се затворени низ целиот свет, родителите сега имаат поголема флексибилност кога станува збор за тоа каде живеат и работат. Многумина тоа сакаат да го искористат за почесто да патуваат, па дури и привремено да се преселат со своите семејства во места со поголем простор и пристап до природата.

Иако престојувањето на децата можеби не е безбедно во некои простори, еве што треба да знаете ако сакате да ги угостувате во своето сместување.

Ако не сте сигурни дали сакате да примате гости со деца во вашиот простор, постојат голем број чекори што може да ги преземете за да се чувствувате попријатно.

Објаснете однапред што е и што не е достапно во вашиот простор.

Помогнете им на родителите да се спакуваат соодветно така што ќе наведете детали за сите удобности погодни за семејства што веќе ги имате на располагање. Во водичот може да вклучите и препораки за тоа каде можат да се подигнат или да се дополнат залихите.

За да ви помогнеме да преминете кон угостување семејства, еве како може да го подготвите вашиот простор со текот на времето:

• Одберете цврст и безбеден мебел и избегнувајте стакло, ако е тоа можно.
• Олеснете го чистењето така што ќе избегнувате бројни предмети и непотребни украси.
• Тргнете ги кршливите и острите предмети надвор од дофат на детето.
• Одбегнете скршени садови така што ќе ја опремите кујната со пластични чаши и чинии за повеќекратна употреба.
• Размислете за додавање заштитни брави на шкафовите и заштитници за приклучниците за електрична енергија.
• Изберете издржливи ткаенини кои се лесни за чистење, како што се материјалите што се користат за перници на отворено.
• Покријте ги дрвените подови со килими што можат да се перат.

Преземете основни мерки на претпазливост за да ги заштитите гостите и својот дом.

• Помогнете сите да бидат поспокојни така што ќе поставите аларм за чад и јаглерод моноксид, како и апарат за гаснење пожар во близина на кујнската плотна за готвење.
• Не заборавајте да ги обележите овие удобности на огласот и не заборавајте редовно да ги менувате батериите.
• Вклучете броеви на локални итни служби во упатството за користење на куќата и на картичка со најважните информации за гостите.

Размислете за тоа да побарате надоместок за чистење.
Многу домаќини вклучуваат надоместок за чистење со кој ги покриваат трошоците за материјалите или за професионалната услуга за чистење. Овде може да дознаете повеќе информации за тоа како да наплаќате надоместок за чистење ако не сте го правеле тоа досега.

Информирајте се за тоа што да правите ако има некаков проблем.
Без разлика на тоа колку сте подготвени, несреќите сепак може да се случат, но постојат неколку начини на кои можете да се заштитите кога угостувате преку Airbnb.

• Побарајте пари преку „Центарот за барање и праќање пари“: може да одите преку „Центарот за барање и праќање пари“ за исчезнати или оштетени предмети, дополнителни услуги или други проблеми поврзани со патувањето, како што е губење на клуч од куќата. Исто така, може да му испратите пари на гостинот за да надоместите за некој пропуст, на пример ако вашето сместување не било подготвено при пријавувањето.
• Дознајте повеќе за AirCover за домаќини: AirCover за домаќини вклучува „Заштита на домаќинот од оштетување“ и „Осигурување од одговорност на домаќинот“. Секогаш е вклучено и секогаш е бесплатно.
  

Ако сте заинтересирани да привлечете патници со семејства, ситните, но важни детали можат да ви помогнат да се истакнете како идеален домаќин. За да се чувствуваат повеќе како дома, подгответе се да ги обезбедите најчесто бараните предмети, како што се дополнителни крпи и чаршафи. Исто така, корисно е да имате резерви на тоалетна хартија и предмети како што се сол, црн пипер и други основни работи за готвење. 

Добијте повеќе идеи од приказната на Елси, домаќин од Нешвил, Тенеси, која споделува како создава простор погоден за семејства:

Совет: ви препорачуваме секогаш да имате резерва на средства за чистење, особено кујнски хартиени бришачи, марамчиња за дезинфекција и средство за отстранување дамки или да бидете подготвени за подолги престои.

Откако ќе ги поминете овие чекори за да го подготвите просторот за семејства, време е да се пофалите со својот простор така што ќе ги освежите деталите за сместувањето и ќе ги ажурирате удобностите.

• Ако имате ажуриран наслов и опис за сместувањето, тоа може да ви помогне да го привлечете вистинскиот вид патници и да поставите јасни очекувања.
• Гостите кои ќе патуваат со деца може да користат филтри за пребарување за да ги стеснат своите опции, затоа запомнете дека треба да ги ажурирате и удобностите. (Ако имате повеќе од еден оглас, може да ги ажурирате удобностите за сите простори од страницата „Огласи“.) Детското креветче и високото столче за хранење се задолжителни удобности за гостите со бебиња.
• Ако ги имате во вашиот простор, вклучете ги удобностите како клима уред, машина за перење/сушење и кујна.
• Ако нудите машина за перење алишта, спомнете дали обезбедувате детергент за перење алишта и дали има дополнителни трошоци.
• Кадата го олеснува капењето на децата. Не заборавајте да споменете дали имате када во вашето сместување и додајте фотографија во галеријата со слики.
• Проверете повторно дали на вашите фотографии е прикажано сѐ што сте опишале. Разгледајте го нашиот прирачник за фотографирање чекор по чекор за да дознаете како да ги истакнете сите начини на кои ги задоволувате потребите на патниците во моментов.

Иако подготвувањето на вашиот простор за примање семејства со деца може да одземе повеќе време, додавањето на овие удобности е еден од најдобрите начини да ги воодушевите сите ваши гости и да им покажете дека се грижите.

AirCover за домаќини, „Заштитата на домаќинот од оштетување“, „Осигурувањето од одговорност на домаќинот“ и „Осигурувањето од одговорност за доживувања“ не ги покриваат домаќините што нудат престои или доживувања во Јапонија, каде што важат „Осигурувањето за домаќини од Јапонија“ и „Осигурувањето за заштита за време на доживувања во Јапонија“, ниту домаќините што нудат сместувања преку Airbnb Travel LLC. За домаќини кои понудиле сместувања или доживувања во континентална Кина, важи „Планот за заштита на домаќини во Кина“. Имајте предвид дека сите ограничувања на покритието се прикажани во американски долари.

„Осигурувањето од одговорност на домаќинот“ и „Осигурувањето од одговорност за доживувања“ ги преземаат осигурителни компании од трета страна. Ако угостувате во Обединетото Кралство, полисата за „Осигурување од одговорност на домаќинот“ и полисата за „Осигурување од одговорност за доживувања“ ги презема Zurich Insurance Company Ltd. и се договорени и склучени без дополнителни трошоци за домаќините во Обединетото Кралство од страна на Airbnb UK Services Limited, назначен претставник на Aon UK Limited, овластен и регулиран од Управата за финансиско работење. Регистарскиот број на Aon во УФР е 310451. Ова може да го проверите во Регистарот на финансиски услуги, така што ќе ја посетите веб-страницата на УФР или ќе контактирате со УФР на 0800 111 6768. Полисите за „Осигурување од одговорност на домаќинот“ и за „Осигурување од одговорност за доживувања“ во рамките на AirCover за домаќини се регулирани од Управата за финансиско работење. Останатите производи и услуги не се регулирани производи договорени од Airbnb UK Services Limited. FPAFF610LC 

„Заштитата на домаќинот од оштетување“ не е осигурување и не е поврзана со „Осигурувањето од одговорност на домаќинот“. Според „Заштитата на домаќинот од оштетување“, ќе ви биде надоместено за одредени штети предизвикани од гостите на вашиот дом и предмети ако гостинот не плати за тие штети. За сместувања во државата Вашингтон, договорните обврски на Airbnb според програмата „Заштита на домаќинот од оштетување“ се покриени со осигурителна полиса купена од Airbnb. За домаќини чија земја на живеење или основање е надвор од Австралија, важат овие услови за „Заштита на домаќинот од оштетување“. За домаќините чија земја на живеење или основање е во рамките на Австралија, „Заштитата на домаќинот од оштетување“ е предмет на условите за „Заштита на домаќинот од оштетување“ за корисниците од Австралија.

Информациите што ги содржи статијава може да се променети по објавувањето.