„Airbnb Соби“, сосема нов пристап за приватните соби

Белешка на уредникот: оваа статија е објавена како дел од Летното издание на Airbnb за 2023 г. Информациите може да се променети по нивното објавување. Дознајте повеќе за најновото издание на нашиот производ.

Airbnb започна како поволен начин со кој патниците ќе можат да престојуваат во туѓ дом. Со текот на годините, домаќините на приватни соби ги зближуваа луѓето и им помагаа на гостите да истражуваат нови места како да се локални жители.

Денес, луѓето сакаат да патуваат поволно, особено со оглед на моменталната економија. И по години изолација за време на пандемијата, тие бараат начини да се поврзат со други лица и да имаат автентични искуства.

Затоа воведуваме „Airbnb Соби“, сосема нов пристап за приватните соби. Надградбите вклучуваат:

• „Пасош на домаќинот“, за гостите да можат да ве запознаат пред да резервираат

• Нова категорија „Соби“ и редизајнирани филтри за пребарување кои им овозможуваат на гостите полесно да ги откријат приватните соби

• Нови детали поврзани со приватноста за удобноста на сите

Гостите ни кажаа дека сакаат да знаат со кого ќе го делат просторот пред да резервираат приватна соба. „Пасошот на домаќинот“ сега ви дава повеќе начини да се претставите на гостите. Исто така, ги презема деталите од вашиот профил и ги истакнува во резулатите од пребарувањето и на вашиот оглас.

Првата промена што ќе ја забележите е дека вашата профилна фотографија се појавува на аголот од главната фотографија од огласот. Гостинот може да притисне или да кликне на него за да оди на „Пасошот на домаќинот“ и на неколку детали што сте ги споделиле за себе.

Вашето име, годините како домаќин, оцената со ѕвезди и бројот на рецензии од гостите се појавуваат на почетокот на вашиот „Пасош на домаќинот“. Подолу, во новите делови од вашиот профил можете да споделувате работи како што се: каде живеете, вашите хобија, името на миленичето, забавни податоци и што го прави престојот во вашето место посебен.

Може да ја изберете фотографијата и информациите што ги споделувате со уредување на вашиот профил. Исто така, може да забележите дека претходните делови од профилот на домаќинот имаат нов формат, па затоа би било добро да се погрижите вашата работа, јазиците и локацијата да се појавуваат онака како што сакате.

Добијте совети за тоа како да направите одлична фотографија за „Пасошот на домаќинот“

На гостите им е лесно да го откријат огласот за вашето сместување преку новата категорија „Соби“ на почетокот од почетната страница. Редизајнираниот филтер за пребарување, исто така, го олеснува префрлањето помеѓу приватни соби, цели домови и сите видови места. Просечната цена на она што гостинот ќе го избере се прикажува на филтерот.

Од 3 мај, сместувањето треба да ги исполнува сите овие критериуми за да биде вклучено во категоријата „Соби“:

• Гостинот има своја приватна спална соба со врата.

• Гостинот има пристап до приватна или заедничка бања.

• Гостинот има пристап до најмалку еден заеднички простор, како што е кујна, дневна соба или двор.

• Домаќините го користат своето име на нивниот оглас, а не деловно или некое друго име.

• Избрана е „Приватна соба“ како вид на сместување или соба во подесувањата на огласот.

• Приватната соба не е заедничка соба, хотел, резорт, шатор, кампер возило, самостоен објект (како што е бунгалов во двор) или кој било друг вид имот на оваа листа.

Сместувањата кои не ги исполнуваат овие нови критериуми нема да им се прикажуваат на гостите како „Соби“ во пребарувањето или на страниците со огласи. Може да изберете нов вид на сместување или да го ажурирате огласот за да ги исполнува овие критериуми. Ако сакате вашиот оглас да биде додаден или отстранет од категоријата „Соби“, може да испратите барање до поддршката на заедницата.

Гостите кои ги разгледуваат огласите за приватни соби честопати проверуваат дали има детали кои им помагаат да се чувствуваат пријатно и сигурно. За да ви помогнеме да ги поставите очекувањата, ги поместивме овие информации повисоко на страницата со огласот:

• Дали вратата од спалната соба има брава со клуч. Гостите очекуваат да можат да си ја заклучат вратата. Ако вашата приватна соба нема брава со клуч, размислете да додадете таква.

• Дали бањата е приватна, приватна со посебен влез или заедничка. За сите сместувања на Airbnb, гостите бараат пристап до бања со мијалник, тоалет и туш или када. Во вашиот оглас сега може да нагласите дали бањата на гостинот е приватна и се наоѓа во собата, приватна со посебен влез (приватна, но достапна преку заеднички простор, на пример, ходник) или заедничка и се дели со други лица.

• Кој друг може да биде на имотот. Гостите сакаат да знаат дали ќе се сретнат со други лица за време на престојот, како што се други гости, членови на семејството или цимери. Можете да избегнете гостите да имаат погрешни очекувања така што ќе додадете детали за тоа кој може да биде таму.

• Колкава социјална интеракција да очекуваат. Гостите често уживаат да поминуваат време со домаќините кои можат да им помогнат да го запознаат местото како локален жител. Може да наведете колку време сакате да поминувате со гостите за време на нивниот престој.

За да ги ажурирате овие детали, одете на делот „Соби и простори“ на огласот.

Оваа недела започнуваат да се воведуваат „Airbnb Соби“ и 25 надградби за домаќини како дел од Летното издание на Airbnb за 2023 г.