Шест начини за да се подготвите за сезона со ниска побарувачка

Дали сте подготвени за сезоната со ниска побарувачка во вашиот регион? Еве шест начина на кои можете да ги користите алатките за угостување на Airbnb за полесно да управувате со резервациите кога побарувачката од гостите е намалена. Размислете за придобивките од секоја од нив за да одлучите што одговара на вашиот бизнис за угостување.

Намалувањето на минималниот број на ноќевања може да им се допадне на гостите кои резервираат кратки престои и да ви помогне да ги пополните празнините во календарот кога луѓето не патуваат толку многу.

Имате опција да го прилагодите минималниот број на ноќевања според деновите од неделата. На пример, ако побарувачката на гостите е поголема за време на викендите, може да изберете да дозволите престој од едно ноќевање во средина на неделата, но не и кога гостите резервираат ноќевање во петок или сабота.

За да го намалите минималниот број на ноќевања:

• Одете на јазичето „Достапност“ во календарот на вашиот оглас.
• Во делот „ Времетраење на патувањето“, притиснете на „Минимален број на ноќевања“.
• Уредете го минималниот број на ноќевања на должината која најмногу ви одговара.

„Ако имам слободно место за осум ноќевања, шансите да добијам резервација за седум ноќевања се мали“, вели Фелисити, член на Советодавниот одбор на домаќини и Супердомаќин во Нов Јужен Велс, Австралија. „Ако го намалам минималниот број на ноќевања во тој период, големи се шансите да привлечам повеќе гости.“

Размислете да им дозволите на гостите да резервираат кратко пред датумот на пристигнување за да привлечете повеќе резервации за време на сезоната со ниска побарувачка. Може да изберете минимално време од резервацијата до пријавувањето, во зависност од тоа колку време ви треба помеѓу резервацијата на гостинот и неговото пристигнување.

За да го промените минималното време од резервацијата до пријавувањето:

• Одете на јазичето „Достапност“ во календарот на вашиот оглас.
• Отворете го „Претходното известување“.
• Изберете го бројот на денови кој најмногу ви одговара.

Исто така, може да дозволите барања со пократко известување од минималното време од резервацијата до пријавувањето. Ќе бидете замолени да ги прегледате и одобрите овие барања.

„Ова е одлична можност да се издвоите од другите имоти кои можеби не го дозволуваат тоа“, вели Карен, Супердомаќин во Нелсон, Британска Колумбија. „Исто така, нудам самопријавување и користам закажани пораки за да ги споделам насоките. Тоа ми овозможува да им излезам во пресрет на гостите кои резервираат непосредно пред пријавувањето.“

Намалувањето на цената за ноќевање како што се приближува датумот на пристигнување може да ви помогне да ги привлечете лицата кои резервираат во последен момент. Размислете да понудите попуст за резервации направени од 1 до 28 дена пред пријавувањето за полесно да го пополните календарот и да ја зголемите заработката.

За попусти од 10% или повеќе од средната цена за 60 дена, гостите гледаат специјална понуда на страницата со огласот и во резултатите од пребарувањето. Цената со попуст се појавува заедно со првичната, која е прецртана.

За да додадете попуст за резервација во последен момент:

• Одете на јазичето „Цени“ во календарот на вашиот оглас.
• Во делот „Повеќе попусти“, отворете „Попусти за резервација во последен момент“.
• Внесете број на денови пред пристигнувањето, помеѓу 1 и 28.
• Внесете го процентот на попуст што сакате да го понудите.

„Чувствувам дека можам да намалам најмногу за 15%“, вели Џими, Супердомаќин во Палм Спрингс, Калифорнија. „Имам минимална цена, така што никогаш нема да се спуштам под неа. За претстојна резервација овој викенд, подготвен сум да ја ставам таа минимална цена за да можам да добијам резервација.“

Попустите за подолги престои може да ви помогнат да го подобрите рангирањето во резултатите од пребарувањето, да ги пополните празнините во календарот и да ги намалите промените на гостите. Размислете да понудите неделни попусти за престои од седум или повеќе ноќевања и месечни попусти за престои од 28 или повеќе ноќевања.

Гостите гледаат специјална понуда на страницата со огласот и во резултатите од пребарувањето за неделни или месечни попусти од 10% или повеќе. Сите попусти за подолг престој, исто така, се означени до првичната цена во анализата на цената.

За да додадете неделен или месечен попуст:

• Погрижете се минималната и максималната должина на престојот да бидат во согласност со локалните правила и прописи.
• Ако можете да понудите неделни или месечни престои, одете на јазичето „Цени“ во календарот на вашиот оглас.
• Во делот за неделни или месечни попусти, поставете процентуален попуст и притиснете на „Зачувај“.

„Ако понудите неделен или месечен попуст, тоа дефинитивно ќе го привлече вниманието кон вашето сместување“, вели Омар, Супердомаќин во Мексико Сити. „Гледам дека сè повеќе патници, особено дигиталните номади, доаѓаат да престојуваат подолг временски период.“

Нудењето промоција за време на сезоната со ниска побарувачка е одличен начин да се истакнете во резултатите од пребарувањето и да привлечете повеќе резервации. Кога нудите попусти од 15% или повеќе, гостите гледаат специјална понуда на страницата со огласот и во резултатите од пребарувањето.

За да додадете приспособена промоција:

• Одете на јазичето „Цени“ во календарот на вашиот оглас.
• Изберете датуми на календарот.
• Поставете го вашиот процентуален попуст.

Приспособената промоција можеби не е секогаш достапна за вашиот оглас. Барањата вклучуваат дека вашето сместување мора да има најмалку три резервации, од кои најмалку една во изминатата година, а датумите што ќе ги изберете треба да бидат достапни најмалку 28 дена.

„Промоциите ми овозможуваат да одредам цена за следните неколку месеци и да имам опција за попуст ако немало интерес во тој временски период“, вели Даниел, член на Советодавниот одбор на домаќини во Тенерифе на Канарските острови. „Тие се една од моите омилени алатки, бидејќи сакам да го знам степенот на понуда и побарувачка и да дејствувам соодветно.“

Споредувањето на цените на слични сместувања во вашиот регион може да ви помогне да поставите конкурентна цена и да привлечете уште неколку резервации додека се намалува патувањето. Ако цената ви е повисока од цената на слични сместувања во близина, може да ја намалите за да привлечете повеќе гости и да го подобрите рангирањето во резултатите од пребарувањето.

Ако ја нудите истата цена за секое ноќевање, размислете да додадете цени за работни денови и викенди. Промената на цените врз основа на ноќевањето исто така може да ви помогне да ги зголемите резервациите.

За да споредите слични сместувања:

• Одете на јазичето „Цени“ во календарот на вашиот оглас.
• Изберете опсег на датуми до 31 ден.
• Притиснете на „Прикажи слични сместувања“.

Просечните цени на слични сместувања во близина ќе ги видите на мапата од вашиот регион. Копчињата на мапата ви овозможуваат да ги видите резервираните или нерезервираните сместувања. Факторите што одредуваат кои сместувања се слични ја вклучуваат локацијата, големината, карактеристиките, удобностите, оцените, рецензиите и другите сместувања што гостите ги прелистуваат додека го разгледуваат вашето.

„Ги проверувам сместувањата кои се слични на моите за да се уверам дека цената ми е конкурентна“, вели Кејти Кеј, член на Советодавниот одбор на домаќини и Супердомаќин во Лејк Ароухед, Калифорнија. „Важно е да бидете флексибилни во периодот со ниска побарувачка ако навистина сакате да привлечете луѓе во вашето сместување.“

Вие постојано ги контролирате цените и другите подесувања. Вашите резултати може да бидат различни. 

На домаќините им беше платено за нивното учество во интервјуата.

Информациите што ги содржи статијава може да се променети по објавувањето.