Поставување цели за подобрување на остварувањата на вашиот оглас

Јануари не е единствениот месец во кој можете да одлучите да го развиете својот бизнис. Редовно проверувајте го својот напредок и прилагодувајте ја вашата стратегија според потребите – ова е рецепт за успех во текот на целата година.

Алатките и информациите за угостување ви го олеснуваат следењето на остварувањата на огласот, да дознаете што функионира за другите домаќини и да поставите цели за постигнување на резултатите што ги сакате.

Тешко е да знаете што функционира, ако не го измерите својот напредок. За да соберете информации, користете ја контролната табла за угостување за:

• да ги анализирате податоците за резервациите и заработката
• да ги прочитате повратните коментари од рецензиите на гостите
• да ги проучите тековните локални трендови на патување

Во делот „Сознанија“ на вашата контролна табла за угостување се дадени основните статистички податоци, вклучувајќи ги месечната заработка, резервираните ноќевања, рецензиите од гостите и севкупната оцена. Исто така, тука се наоѓа и „Центарот за можности“ во кој се прикажуваат трендовите на патување во регионот на вашето сместување, како што се видовите сместувања и удобностите што гостите најмногу ги бараат.

Додека ги анализирате податоците, размислете дали вашата стратегија за одредување цени и достапноста на календарот целосно ги искористуваат тековните трендови на патување и сезонските или периодите со најголема побарувачка во вашиот регион. Може да ги искористите и повратните коментари од гостите.

„Слушајте ги гостите“, советува Супердомаќинот Елејн од Балеарските острови, Шпанија. „Тие можат да ви кажат многу за она што не е баш најдобро. Ако направите подобрувања, ќе може да одредите подобра цена.“

За подлабоко да ги анализирате своите податоци, обидете се да ги вклучите нашите професионални алатки за пристап до контролната табла за остварувања. (Може да се вратите во секое време во подесувањата на сметката.)

Овие професионални алатки ви овозможуваат да ги следите остварувањата – на пополнетост, просечната цена за ноќевање, прегледите на гостите и друго – во повеќе огласи во текот на изминатата година. Исто така, може да ги споредите вашите показатели со слични огласи за да дознаете кои од вашите стратегии за угостување се најефикасни.

Откако ќе утврдите што може да ви помогне да ги подобрите остварувањата на огласот, можеби ќе се запрашате како да направите промени. Наместо да почнете отпочеток, може да ги искористите искуствата на другите успешни домаќини.

Овде во „Центарот за информации“ може да најдете совети за Супердомаќини за теми како што се изработка на бизнис план и додавање удобности при ограничен буџет. Или разгледајте го нашиот целосен водич за тоа како да го издигнете угостувањето на повисоко ниво.

Исто така, може да учите од други домаќини така што ќе пребарувате објави поврзани со вашите потреби во „Центарот на заедницата“. На пример, да речеме дека истражувате различни начини за управување со своите финансии. Супердомаќинката Ан од Њујорк го нуди својот пристап во објава во заедницата.

„Мојата прва цел е дневно да имам во просек повеќе приходи отколку трошоци“, пишува Ан. „Водам табела со тековните вкупни износи. Последните две години живеев од заштеди, па тоа е тренд кој сакам да го продолжам.“

Следниот чекор е да ги претворите сите информации што сте ги собрале во цели за годината што следи. Размислете за тоа што заслужува најголемо внимание и што би можеле да преземете за да го поттикнете вашиот напредок.

На пример, еве некои од вообичаените цели и начини како да ги достигнете:

1. Зголемете ги резервациите и заработката
За да ја достигнете вистинската стратегија за одредување цени може да бидат потребни неколку обиди. За да ги остварите своите финансиски цели, а истовремено и да ги привлечете гостите, размислете да додадете надоместок за миленичиња или да понудите попуст за подолги престои.

Редовното ажурирање на огласот може многу да помогне околу вашиот успех во угостувањето. Имајте ги предвид локалните трендови на патување за време на сезоната со најголема, голема и мала побарувачка, кога ја планирате достапноста на календарот.

Додека размислувате за она што најмногу ви одговара, Супердомаќинот Ендру од Берлин препорачува да бидете трпеливи и да се фокусирате на задоволството на гостите: „Некои огласи на Airbnb се целосно резервирани во текот на целата година, но обично е потребна една цела година за да го пронајдете својот начин на работа и да изградите репутација од рецензиите“.

2. Добивајте подобри рецензии од гостите
Подобрете го описот на сместувањето за да поставите јасни очекувања и да ги истакнете удобностите што гостите ги сакаат, како што се брзата wifi мрежа и целосно опремената кујна. Не заборавајте да вклучите висококвалитетни фотографии кои навистина го истакнуваат вашиот простор.

„Главните фотографии играат најголема улога при остварување на резервации за сместувањето“, вели Ендру. „Од суштинско значење се чистите слики со привлечни бои, исечени за објектот да биде целосно видлив во мал формат.“

Гостите се грижат многу и за чистотата: беспрекорниот простор може да доведе до позитивни рецензии. Влејте им доверба на гостите така што ќе споделите што правите за да го исчистите и дезинфицирате вашето место.

3. Поедноставете ја својата рутина за угостување
Наоѓањето поефикасни начини за справување со честите задачи може да ви го олесни угостувањето и постигнувањето на вашите цели. Обидете се да користите брзи одговори и закажани пораки за да ја автоматизирате комуникацијата со гостите.

Другите тактики за заштеда на време вклучуваат поедноставување на процесот на пријавување, на рутината за чистење и појаснување на куќниот ред. „Куќниот ред не треба да биде напишан како правен документ“, вели Супердомаќинот Џеј Ренато од Рио де Жанеиро. „Ако звучи така, никој нема да го прочита.“

Какви и да се вашите цели за угостување, ние сме тука да ви помогнеме да ги постигнете и да ви ја направиме оваа година најдобрата година досега.

Информациите што ги содржи статијава може да се променети по објавувањето.