Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Навигација при процесот на резервација

    Дознајте како да ги обработувате барањата за резервации, да остварувате ефикасна комуникација и друго.
    Од Airbnb на 9 фев. 2021 г.
    Четиво од 3 мин.
    Ажурирано на 9 јун. 2021 г.

    Исклучителни одлики

    • Изберете како сакате гостите да го резервираат вашето сместување – со помош на опцијата „Инстант резервација“ или преку рачни барања за резервација

    • Закажаните пораки ви помагаат да ја автоматизирате комуникацијата со гостите

    • Дознајте повеќе во нашиот целосен водич за поставување успешен оглас

    Како домаќин, разбирањето на процесот на резервација е клучно.

    Ако подобро ги разбирате каналите за комуникација со гостите, опциите за резервации и статусите на резервациите, ќе може да ја подобрите комуникацијата и да им овозможите на гостите многу подобро искуство.

    Примање прашања за резервации

    Додека некои гости сакаат да си осигураат сместување што е можно побрзо, други сакаат да прашаат за порано пријавување, пониска цена, подетални информации за локацијата или за удобностите пред да резервираат.

    Гостите може да ви испратат првично барање за резервација преку линкот „Контактирајте со домаќинот“ прикажан на сите огласи. Може да одговорите на еден од следниве начини:

    Дури и ако ја користите опцијата „Инстант резервација“, гостите може прво да ви испратат барање за резервација за да се уверат дека имаат доволно информации за да ја направат резервацијата.

    Дознајте повеќе за барањата за резервација

    Користење „Инстант резервација“

    Со опцијата „Инстант резервација“, гостите можат веднаш да го резервираат вашето сместување за датумите кои се слободни, што значи дека не треба да го прегледате и прифатите секое барање за резервација поединечно. Штом гостинот ќе го резервира вашето сместување со помош на опцијата „Инстант резервација“, ќе добиете известување. Опцијата „Инстант резервација“ е стандардната опција за резервирање за сите огласи кога го огласувате вашиот простор.

    Барање за рачни барања за резервација

    Некои домаќини, особено оние со уникатни сместувања или непостојани распореди, избираат да не ја користат опцијата „Инстант резервација“ и бараат да им се испрати рачно барање за секоја резервација. Откако гостите ќе поднесат барање за резервација, имате 24 часа да одговорите.

    Разбирање на статусите на резервациите

    Статусот на резервацијата на гостите ќе варира во текот на целиот процес на резервација. Еве ги различните статуси:

    • Се чека потврда/проверка: ако вашите гости чекаат да го потврдите или одбиете нивното барање или ако треба да ја завршат проверката на идентитетот.
    • Потврдена: откако ќе ја прифатите резервацијата.
    • Се чека плаќање: ако сте прифатиле некое барање за резервација, но сѐ уште не е обработено плаќањето.
    • Одбиена: ако не можете да ги примите овие гости.
    • Истечена: ако не одговорите на барањето за резервација во рок од 24 часа.
    • Откажана: ако вие или гостите откажете потврдена резервација или ако гостите откажат барање за резервација кое е во исчекување.

    Откако резервацијата ќе биде потврдена, статусот ќе се промени во:

    • Претстојна: една седмица пред планираното пријавување на гостите.
    • Се чека рецензија: откако гостите ќе го завршат патувањето и чекате повратен коментар.

    Дознајте повеќе за статусите на резервациите

    Комуницирање со гостите

    На гостите најверојатно ќе им требаат повеќе детали откако ќе го резервираат вашето сместување, вклучувајќи насоки до имотот, инструкции за одјавување или совети за снаоѓање низ соседството.

    Нашите алатки за испраќање пораки и „Водичот за пристигнување“ ви помагаат да им ги обезбедите информациите на гостите што им требаат, во моментот кога им требаат. „Закажав пет пораки: по резервацијата, пред пристигнувањето, по пристигнувањето, инструкции за одјавување и по заминувањето“, вели Лери, домаќин од Сент Џорџ, Канада. „Алатката за закажани пораки е целосно прилагодлива.“

    Ако ја започнете комуникацијата со гостите што порано и комуницирате почесто во текот на целиот процес при резервирањето, гостите ќе знаат што да очекуваат и ќе бидат задоволни од својот престој.

    Дознајте како да создадете закажани пораки

    Информациите што ги содржи статијава може да се променети по објавувањето.

    Исклучителни одлики

    • Изберете како сакате гостите да го резервираат вашето сместување – со помош на опцијата „Инстант резервација“ или преку рачни барања за резервација

    • Закажаните пораки ви помагаат да ја автоматизирате комуникацијата со гостите

    • Дознајте повеќе во нашиот целосен водич за поставување успешен оглас
    Airbnb
    9 фев. 2021 г.
    Дали ова беше корисно?

    Разгледајте повеќе теми