Како да ги разберете календарот и подесувањата за резервирање

Подесувањата за календарот и резервациите ви даваат контрола врз тоа кога го споделувате вашиот простор, без разлика дали се работи само за неколку викенди или 365 дена во годината. Совладувањето на овие подесувања може да ви помогне полесно да ги задоволите потребите на вашите гости и полесно да го водите својот угостителски бизнис.

Еве како да ги поставите подесувањата за календарот што ќе ви одговараат.

Може да ги отворите датумите во календарот до две години однапред. Колку повеќе слободни датуми имате, толку повеќе опции за избор ќе имаат гостите.

Важно е да ја ажурирате достапноста на календарот за да избегнете откажувања на резервации. Откажувањата може да доведат до надоместоци и други последици за вас и непријатно искуство за гостите.

Кевино, Супердомаќин во Мексико Сити, вели дека ги користи подесувањата за календарот и за резервации за:

• Ажурирање на цената врз основа на побарувачката во регионот. „Обично наплаќам повеќе во октомври и ноември, што се смета за најпопуларната сезона во Мексико Сити поради многуте фестивали што се одржуваат. Сите сакаат да бидат тука за Денот на мртвите!“

• Поставување на конкретно време за пријавување и одјавување. „Гостите можат да се пријавуваат од 14:00 часот натаму и да се одјавуваат во кое било време пред 12:00 часот. Сакам моите гости да почувствуваат дека имаат време да се опуштат и да појадуваат пред да заминат. Исто така, на гостите им нудам заклучен простор каде што оние кои сакаат да останат во градот по одјавувањето може безбедно да го остават својот багаж.“

• Блокирање на датумите што ги има резервирано за семејството, пријателите или гостите кои често доаѓаат. „Исто така, имам некои гости кои сакаат да се враќаат секоја година во исто време, па често знам да ги блокирам тие датуми.“

Исто така, може да ги користите вашите претпочитани подесувања за резервации за:

• Да го изберетевремето што ви е потребно за да се подготвите за гостите.

• Да поставите минимална и максимална должина на престој.

• Да го синхронизирате календаротна Airbnb со другите онлајн календари. Синхронизирањето на календарот ви помага да избегнувате дупли резервации и ви овозможува да го проверите личниот распоред на едно место.

Вашиот календарот ги следи и резервациите на гостите. Може да изберете да се прикажуваат или да се скријат деталите за да ја проверите достапноста за долгорочни резервации, да ги прегледате минатите цени за ноќевање, да ги прилагодите идните цени и промоции и самоуверено да планирате однапред.

Може да им овозможите на гостите да го резервираат вашето сместување преку „Инстант резервација“ или преку барање за резервација.

Барањата за резервација им овозможуваат на домаќините да ги прифаќаат резервациите поединечно, во рок од 24 часа откако ќе ги примат. Овој пристап е вообичаено омилен кај домаќините кои:

• Имаат непредвидлива достапност поради нивните лични потреби и нивниот распоред.
• Нудат простор со уникатни карактеристики, како екстремно рустикални услови, за кои сакаат да ги известат гостите пред да резервираат за да знаат што да очекуваат.
• Нудат подолги престои од 28 ноќевања или повеќе.

„Инстант резервацијата“ им овозможува на гостите кои ги исполнуваат сите ваши барања и го прифаќаат вашиот куќен ред да направат инстант резервација за кои било достапни датуми. Оваа алатка го забрзува процесот на резервирање за гостите и ја намалува потребата за прегледување и прифаќање на секое барање за резервација.

„Пробав прво да го објавам огласот со рачни барања за резервација, а потоа со опцијата „Инстант резервација““, вели Кевино. „Со опцијата „Инстант резервација“ добив значително повеќе резервации.“

Со овие и други подесувања, вие може да одлучите кога и како се резервира вашето сместување и да го уредите календарот за угостување онака како што вам ви одговара.

Информациите што ги содржи статијава може да се променети по објавувањето.