Ви го претставуваме јазичето „Огласи“

Белешка на уредникот: оваа статија е објавена како дел од Зимското издание за 2023 г. Информациите може да се променети по нивното објавување. Дознајте повеќе за најновото издание на нашиот производ.

Управувањето со огласот е еден од најважните делови од угостувањето бидејќи така гостите дознаваат за вашиот дом. Видовме дека сместувањата со повеќе детали можат да добијат до 20% повеќе резервации. Но на многу огласи недостасуваат детали што им се важни на гостите бидејќи им било премногу тешко да ги додадат.

Затоа го воведуваме јазичето „Огласи“ – комплет нови алатки што ви овозможуваат лесно да управувате со огласот и да ги истакнете деталите за вашиот дом.

Еве ги клучните функции на новото јазиче „Огласи“:

• „Алатката за уредување на оглас“ го олеснува додавањето детали за вашиот оглас, вклучувајќи удобности, аранжмани за спиење и друго. Редизајнираниот интерфејс, исто така, го олеснува уредувањето на информациите за пристигнување што им се потребни на гостите пред пријавувањето.
• Фото-обиколката со помош на вештачка интелигенција ви помага веднаш да создадете фото-обиколка на сместувањето. Организира фотографии по соби за да им помогне на гостите да го разберат распоредот на вашиот дом. Може да ја уредите фото-обиколката во секое време и да додадете удобности во секоја соба.
• Интеграцијата на паметната брава ви овозможува да ги поврзете компатибилните паметни брави со вашата Airbnb сметка и автоматски да генерирате уникатен код за секоја резервација.

Притиснете на јазичето „Огласи“ во центарот на лентата за навигација. Сега сте во „Алатката за уредување на оглас“. Оваа редизајнирана алатка го поедноставува начинот на кој додавате информации на огласот и дава совети за најдобрите начини за прикажување на деталите.

Алатката за уредување на оглас е поделена на два дела: 

• „Вашето сместување“ е местото каде што управувате со страницата со огласот и додавате детали за вашиот дом. 

• „Водичот за пристигнување“ е местото каде што ги додавате деталите што им се потребни на гостите пред да се пријават.

Овде ќе додадете детали за вашиот дом, како што се насловот на огласот, описот и удобностите.

Додавање удобности
Сега е полесно од кога било да додадете удобности на огласот. Одете на „Удобности“ и притиснете на знакот „плус“ (+). Може да видите речиси 150 удобности по азбучен ред или по категории, вклучувајќи „Забава“, „Семејство“ и „На отворено“. Исто така, може да побарате некоја удобност по име, не е потребно да пребарувате. Изберете го знакот „плус“ веднаш до која било карактеристика што ја имате во вашиот дом.

Создавање фото-обиколка
Висококвалитетните фотографии се еден од најважните делови на одличниот оглас. Тие го привлекуваат вниманието на гостите и може да ви помогнат да привлечете повеќе резервации.

Може да ја искористите новата фото-обиколка со помош на вештачка интелигенција за веднаш да ги организирате фотографиите од сместувањето во фото-обиколка за да им помогнете на гостите да го разберат распоредот на вашиот дом. Сѐ што треба да направите е да притиснете на „Создајте ја вашата фото-обиколка“. Тоа е сѐ.

Приспособениот механизам на вештачка интелигенција препознава фотографии од ентериер и екстериер и автоматски ја доделува секоја слика на еден од 19-те вида на соби и простори.

Следно, може да додавате детали за секоја соба. На пример, може да додадете дека во спалната соба има брачен кревет (широк 180 – 220 см) или дека во дневната соба има телевизор. Исто така, може да вклучите информации за карактеристиките за пристапност за лица со попреченост, следејќи ги овие упатства.

Можете да ја уредите вашата фото-обиколка во секое време со отстранување, преместување или додавање фотографии. Откако ќе завршите со уредувањето, прегледајте го огласот со притискање на копчето „Прикажи“.

Овде ќе ги додадете деталите што им се потребни на гостите откако ќе резервираат и пред да пристигнат, како што се времето на пријавување и сите специјални упатства или инструкции за паркирање. И, за првпат, ќе можете да ги видите информациите за пристигнување токму како што ги гледаат вашите гости. Само притиснете на копчето „Прикажи“.

Обезбедување детали за пријавување
Со „Водичот за пристигнување“, лесно може да ги споделите деталите за пријавување со гостите откако ќе резервираат. Може да ги поставите или прилагодите начинот и времето на пријавување, насоките, упатството за користење на куќата, лозинката за wifi и друго – сѐ на едно место.

Поврзување на паметната брава
Наскоро ќе можете да поврзете паметна брава со вашата Airbnb сметка и автоматски да генерирате уникатен код за вратата за секоја резервација. Нема веќе рачно менување на кодовите меѓу резервациите. 

Гостите ќе го најдат кодот во деталите за резервацијата на Airbnb, заедно со деталите за тоа како да го внесат. Исто така, ќе го добијат кодот за вратата во е-пошта веднаш откако ќе резервираат и ќе добијат известување кога ќе дојде време за пријавување. Секој код е активен само за време на престојот на гостинот. Кодовите истекуваат 30 минути по одјавувањето, освен ако рачно не го прилагодите ова време за вашите гости.

Интеграцијата на паметна брава ќе почне да се применува на почетокот на 2024 година за домаќините со сместувања во САД и Канада и одредени брави од Schlage. Кога ова ќе биде достапно на вашата локација, ќе го најдете во делот „Начин на пријавување“. Само следете ги инструкциите за поврзување на паметната брава на вашиот дом со вашиот оглас на Airbnb.