Интеракција со гостите што престојуваат во вашата соба

Некои гости резервираат соби на Airbnb бидејќи уживаат во запознавањето нови луѓе, додека други претпочитаат приватност. Колкава интеракција ви одговара? Може да ги известите гостите преку подесувањата на огласот.

Изберете еден од следните четири претпочитани начини за лична интеракција во подесувањата за огласот:

• Сакам да се дружам и да поминувам време со гостите.

• Обично само лично ги пречекувам гостите за да ги поздравам, ништо повеќе.

• Нема да бидам на располагање во живо и претпочитам да комуницираме преку апликацијата.

• Немам преференции. Ќе ги следам желбите на гостите.

Исто така, може да напишете појаснувачки детали во описот на огласот, на пример, во кое време од денот обично сте достапни за да понудите помош во текот на престојот на гостинот.

Ричард, кој угостува во соба во центарот на Торонто, обожава да го отвора својот дом за гости. „Не станува збор само за сместување од тули и малтер“, вели тој. „Доаѓаме до значајни разговори со гостите, отвореност и ислушување едни со други.“

Ричард ги пречекува своите гости на влезната врата при пријавувањето и им го покажува неговото место. „Мислам дека постои човечки елемент што сите го бараме во животот“, вели тој. „Им давам пристап до сѐ, од балконот до скарата, за да почувствуваат дека ова е нивниот дом далеку од дома.“

Ричард, исто така, ужива да им го покажува градот на гостите. „Сакам да дознавам што ги интересира“, вели тој. „Потоа се фокусирам и им велам: „Дозволете ми ви покажам некои значајни работи кои не се дел од типичната обиколка на градот.“ За мене, патувањата се учебник за животот.“

Рут, домаќин во Перт, Австралија, сака да ги пречекува гостите. Потоа им го покажува апартманот со три спални соби, две приватни бањи и дневна соба што ја сочинуваат нејзината „Соба“.

По кратката обиколка, Рут ги остава гостите сами во просторот. Оди во нивниот дел од куќата само кога пере.

„Мислам дека првата средба е клучна“, вели Рут. „Некои луѓе воопшто не сакаат да комуницираат, но други сакаат и едноставно се прекрасни. Тоа се покажа како неочекувано задоволство.“

Дандара, член на Советодавниот одбор на домаќини во Масејо, Бразил, претпочита гостите да одлучат колку сакаат да се дружат. Таа вели дека се обидува да добие претстава за тоа според нивното расположение за разговор додека им го покажува својот дом. 

Обиколката секогаш завршува на нејзиниот балкон каде што може да ги посочи своите омилени места за посета и да одговори на евентуални прашања. Открила дека гостите се отвораат со текот на времето, а некои дури ѝ стануваат толку блиски што сега се „дел од семејството“, вели таа.

Дандара открива дека таа и нејзините гости обично се поврзуваат на масата за појадок. Секој придонесува со нешто, на пример, овошје или колачи. „И така се раѓаат магични моменти“, вели таа.

Информациите што ги содржи статијава може да се променети по објавувањето.