Подобрувања на поштата за управување со комуникацијата со гостите

Белешка на уредникот: оваа статија е објавена како дел од Летното издание на Airbnb за 2023 г. Информациите може да се променети по нивното објавување. Дознајте повеќе за најновото издание на нашиот производ.

За успешно угостување потребна е ефективна комуникација со гостите, што може да одземе многу време. Најавуваме две надградби за да ја поедноставиме комуникацијата: потврди за прочитани пораки и нови брзи одговори.

Ни кажавте дека би сакале да знаете дали гостите ги добиле вашите пораки. Со потврдите за прочитани пораки, домаќините и гостите можат да видат дали нивните пораки се прочитани.

Откако вие или вашите гости ќе прочитате порака испратена преку Airbnb апликацијата, веднаш под последната порака во разговорот се појавува индикатор за прочитана порака.

Како стандардно подесување, на сите корисници на Airbnb ќе им бидат вклучени потврдите за прочитани пораки до почетокот на јуни. За да ги исклучите, одете на делот „Приватност и споделување“ во подесувањата на сметката.

Брзите одговори и закажаните пораки веќе ви заштедуваат време. Сега може да додадете корисна визуелна картичка што се поврзува со новите инструкции за одјавување во кој било брз одговор или закажана порака.

За да ви помогнеме да го направите ова побрзо, додаваме автоматски предлози во вашата пошта. Еве како функционираат:

• Ако вашиот гостин ви испрати порака со прашање во врска со одјавувањето, ќе добиете автоматски предлог за да испратите брз одговор што се поврзува со инструкциите за одјавување.

• Ако сѐ уште не сте ги создале инструкциите за одјавување, ќе добиете автоматски предлог да го направите тоа, а потоа може да ги споделите како картичка за брз одговор.

Овие функции на поштата се дел од Летното издание на Airbnb за 2023 г. во кое се вклучени 25 надградби за домаќини. Прифатете го раниот пристап за да започнете да ги користите овие нови алатки денес.