Како да ја одредите цената

Airbnb ви дава пристап до алатки за домаќини и милиони гости за поддршка на вашите цели за заработка. Поставувањето конкурентна цена може да помогне вашето доживување да се истакне и да ги поттикне гостите да резервираат.

Секогаш имате контрола над цените и може да ги смените во секое време.

Ако почнете со пониска цена за ново доживување, тоа може да ви помогне да ги привлечете првите гости и раните оцени и рецензии. Цената може да ја прилагодите со текот на времето за да ги исполните вашите цели за заработка.

Еве некои фактори што треба да ги земете предвид кога ја одредувате цената на Airbnb.

• Вашите трошоци: пресметајте колку ви треба за да ги покриете трошоците како што се вашето време, материјали и лиценцирање.
• Слични доживувања: пребарувајте активности како вашата на Airbnb и други платформи за да ги споредите локалните цени и да разберете што е конкурентно.
• Надоместок за услугата: земете го предвид надоместокот за услугата што Airbnb им го наплаќа на домаќините за секоја резервација, а кој ќе го видите кога ќе ја одредите цената. Надоместокот ни овозможува да обезбедиме алатки за угостување, да понудиме деноноќна корисничка поддршка и да допреме до милиони гости преку доживувањата на Airbnb.

Додајте го максималниот број на гости според активноста, локацијата и идеалната големина на групата за да се поттикне поврзувањето. Овој максимален број ќе важи секојпат кога ќе го понудите доживувањето.

Одредете ја минималната цена за гостин и за приватна група.

• Цена по гостин: ова е износот што ќе му го наплатите на секој гостин за да се приклучи на доживувањето. Вашата цена мора да ги вклучува сите надоместоци и дополнителни износи. Понудата на пониска цена може да привлече повеќе гости и да доведе до поголеми приходи. Во САД, на пример, 4 гости резервирале по цена од 60 американски долари по лице во вкупен износ од 240 американски долари, додека 8 гости резервирале по цена од 45 американски долари по лице во вкупен износ од 360 американски долари.
• Минимален износ за приватна група: ова е минималниот вкупен износ што ќе го наплатите за приватна група. Никој друг нема да може да го резервира тој конкретен датум и термин.

Ќе видите колку ќе заработите кога ќе ја внесете цената при поставувањето.

Одличен начин да ја одржите конкурентноста на цената е да понудите попусти за различни видови резервации.

• Ограничено време: понудете попуст од 5% до 50% од цената во период од 30 дена за да ги привлечете првите гости да резервираат.
• Рана резервација: дајте им 20% попуст на гостите кои резервираат повеќе од 2 недели однапред за да ги привлечете гостите кои планираат однапред.
• Голема група: додајте попуст за група за побрзо да го достигнете максималниот капацитет.

Вашите попусти важат секој пат кога некој гостин ќе го резервира доживувањето. Кога ќе додадете повеќе од еден, гостинот го добива попустот што ќе резултира со најголема заштеда. Не може да добие повеќе попусти за иста резервација.

Сите домаќини, фотографии и детали за огласот мора да ги исполнуваат стандардите и барањата за Airbnb доживувањата.

Информациите што ги содржи статијава може да се променети по објавувањето.