Како да го поставите огласот за „Соби“
Со огласите за „Соби“, им покажувате на гостите како е да се престојува во вашиот дом. Може детално да наведете кои простори се приватни, кои се заеднички и како претпочитате да комуницирате со гостите.
Што да вклучите во огласот
Овие подесувања за огласи и резервации ви овозможуваат да додавате или ажурирате информации што им помагаат на гостите да одлучат дали ќе се чувствуваат пријатно и сигурно кога ќе го делите вашиот простор:
Опис на сместувањето. Искористете го овој дел за да опишете што е уникатно за вашиот дом. Изберете ги сите удобности што ги нудите и наведете детали како, на пример, до кои простори гостите ќе имаат пристап, дали на имотот живеат миленичиња и какво е соседството.
Фотографии и описи. Јасно прикажете ги сите простори до кои гостите ќе имаат пристап, вклучувајќи ги и влезовите и местата за паркирање. Истакнете сѐ што им помага на гостите да одлучат дали вашата соба ги задоволува нивните потреби за патување.
Соби и простори. Кажете им на гостите дали бањата е приватна или заедничка, дали има брава на вратата од спалната соба и кој друг ќе биде присутен на имотот за време на нивниот престој.
Куќен ред. Јасно истакнете што ви е важно (на пример, дали имате време за одмор и дали дозволувате гостите да носат миленичиња) за да нема недоразбирања. Од гостите се очекува да се придржуваат до вашите правила и може да бидат отстранети од Airbnb ако прават проблеми.
Постојат и други практични начини на кои може да им помогнете на сите гости да се чувствуваат добредојдени. Даниел, член на Советодавниот одбор на домаќини во Шпанија, на својот профил пишува: „Вратите на мојот дом се отворени за секого.“
Што да вклучите во собата
Создајте пријатен простор без неред со доволно место за личните работи на вашиот гостин. Размислете за сите работи што ви се потребни кога патувате, а потоа обидете се да ги вклучите.
Домаќините на соби велат дека додавањето специјални детали може да им помогне на сите да се опуштат и тоа води до одлични рецензии. Тука спаѓаат:
Складирање храна. Оставете место во фрижидерот и шпајзот и означете го за гости или поставете мал фрижидер и катче за шпајз во или блиску до спалната соба на гостинот.
Количка за пијалаци. За гостите е погодно да има вода, кафе и чај со шолји и електричен чајник во собата, особено за оние кои претпочитаат да бидат сами.
Заштита од несакани звуци. Несаканата бучава може да се намали со помош на чепови за учи, домашни папучи, вентилатор или машина за бел шум.
Брави. Гостите очекуваат можност за заклучување на вратата од спалната соба. Ако на вашата соба нема брава со клуч, размислете да додадете.
„Заклучувањето на спалната соба помага сите да се наспијат добро и целосно да се препуштат и да уживаат во искуството“, вели Дандара, член на Советодавниот одбор на домаќини и домаќин на соба во Масејо, Бразил.
Замолете ги гостите да остават рецензија и искористете ги нивните повратни коментари за да направите промени. Ажурирајте го огласот секогаш кога ќе го направите тоа.
Информациите што ги содржи статијава може да се променети по објавувањето.