Како да изберете и додадете висококвалитетни фотографии
Фотографиите помагаат да се привлече вниманието на гостите кога пребаруваат на Airbnb. Сликите треба да дадат јасна и точна претстава за вашата услуга и да ги инспирираат гостите да резервираат.
Ставање акцент на квалитетот
Секоја фотографија што ќе ја споделите треба да биде со висок квалитет. Секоја слика треба да има резолуција од најмалку 800 x 1200 пиксели и големина на датотека до 10 мегабајти.
Поднесете фотографии што се:
- Сликани од вас или имате дозвола за да ги користите.
- Добро осветлени, по можност на природна светлина.
- Со едноставна композиција и заднина.
- Фокусирани, со главниот субјект во средина.
- Мешавина од детали во крупен план и пошироки композиции.
Не поднесувајте фотографии што се:
- Апстрактни слики или прекумерно крупни кадри.
- Пренатрупани или прикажуваат премногу детали.
- Темни или на кои користите екстремен блиц.
- Колажи.
- Повеќе верзии на истата фотографија.
- Фотографии од логоа или марки.
Ако на некоја од вашите фотографии се гледа нечие лице, погрижете се да имате дозвола да ја користите.
Додавање одлични слики
Фотографиите се прикажани на 3 места на огласите за услуги: како насловна фотографија, во листата со вашите понуди и во галеријата со фотографии.
Поднесете најмалку 5 фотографии вкупно, вклучувајќи по една за секоја понуда. Ако нудите услуга за фотографирање, изберете најмалку 15 слики што ќе го претставуваат вашето портфолио.
Ќе ги прегледаме фотографиите што ги додавате и ќе ги одобриме сликите што ги исполнуваат нашите стандарди. Еве што треба да поднесете за секој дел.
Насловна фотографија. Оваа слика се појавува на почетокот на огласот и треба да им помогне на гостите да добијат претстава за услугата што ја нудите. Успешната слика е:
- хоризонтална
- едноставна и ненатрупана со детали
- во средина, со доволно простор за сечење од сите страни
Избегнувајте слики со обична бела заднина или крупен кадар на лицата на луѓето.
Вашите понуди. Понудите се она што ќе го резервираат гостите – гледајте на нив како на ваш ценовник или мени. Додајте една посебна слика која точно ја претставува секоја од вашите понуди. Овие фотографии се мали, затоа изберете едноставни сцени кои се лесно разбирливи. Впечатливите слики се:
- фокусирани на еден елемент, со чиста заднина
- слични по композиција
Галерија со фотографии. Ова е можност да им покажете на потенцијалните гости не само што нудите, туку и кои сте. Гостите можат да ги видат сите слики што ги споделувате во галеријата со фотографии. Изберете фотографии што го илустрираат следново:
- вашиот процес и подготовка
- алатките, опремата или состојките што ги користите
- вашата бизнис локација, ако планирате гостите да дојдат кај вас
- крајниот резултат од вашата услуга, на пример, гостите кои уживаат во својот оброк
Уверете се дека имате дозвола да ги користите сите фотографии што ги поднесувате и дека сликите точно ја одразуваат вашата услуга.
Сите домаќини, фотографии и детали за огласот мора да ги исполнуваат стандардите и барањата за Airbnb услугите.
Ако нудите услуга за масажа или спа, нема да мора да поднесувате фотографии за вашиот оглас. Ќе избереме фотографии за вас од библиотеката со професионални фотографии кои ги илустрираат овие услуги.
Информациите што ги содржи статијава може да се променети по објавувањето.