Како да го довршите огласувањето на вашиот простор
Добре дојдовте назад! Во овој чекор може да изберете дали да го довршите огласот што веќе сте го започнале, да создадете нов оглас или да дуплирате одредени делови од постоечки оглас.
1. Довршете го огласот
Сите огласи што веќе сте ги започнале се наведени тука. Најгоре ќе ги најдете најстарите огласи. Ако имате повеќе од три започнати огласа, притиснете на „Прикажи ги сите“ за да ја проширите листата. Откако ќе го изберете огласот на кој сакате да работите, ќе почнете од каде што застанавте и секогаш може да се вратите за да ги прегледате и уредите сите детали што сте ги внесле.
2. Создајте нов оглас
За да започнете нов оглас, само притиснете на копчето + и ќе ви дадеме упатства за понатаму.
3. Дуплирајте постоечки оглас
Кога ќе создавате нов оглас, може да заштедите време така што ќе користите детали од веќе постоечки оглас. Оваа опција е корисна за домаќините кои огласуваат слични сместувања, како што се повеќе приватни соби во истата куќа. Ќе имате опција да ги користите истите фотографии или да додадете нови.
Од почеток до крај, може да го огласите вашиот простор во 10 главни чекора:
- Изберете во каков вид на простор планирате да угостувате.
- Подетално опишете го видот на имотот.
- Јасно наведете дали гостите ќе го имаат местото само за себе.
- Внесете ја локацијата.
- Одредете колку гости би сакале да пречекате.
- Огласете ги удобностите кои се наоѓаат во вашето сместување.
- Додајте фотографии и организирајте ги.
- Именувајте го вашето сместување.
- Опишете го вашето сместување.
- Поставете ја цената за ноќевање.
Секогаш може да направите промени на вашиот оглас откако ќе го објавите. Исто така, ќе може попрецизно да ги одредите подесувањата за угостување. Ќе можете, на пример, да го ажурирате календарот и да ги прегледате правилата за откажување или да додадете куќен ред.