Како да напишете привлечен наслов
Вашиот наслов е можност да го привлечете вниманието на она што е навистина одлично во вашиот простор. Забавниот дел е да смислите како да го направите ова со неколку зборови.
Бидејќи 75% од пребарувањата на Airbnb се вршат на мобилни уреди, насловите се ограничени на вкупно 32 знака, вклучувајќи ги и празните места. Така се избегнуваат нецелосните наслови на паметните телефони и таблетите со помали екрани.
Еве како да напишете привлечен наслов:
- Додајте детали без да ги повторувате информациите. Не мора да им го кажете на гостите тоа што веќе е прикажано во резултатите од пребарувањето, како што е вашиот град и вкупниот број на кревети. Наместо тоа, истакнете ги работите во врска со вашиот простор што може да ви помогнат да го привлечете вниманието на гостите, како што се најдобрите удобности или близината на сместувањето до одредени знаменитости.
- Избегнувајте емотикони и симболи. Држете се до едноставни и описни зборови (како пријатно, шармантно, рустикално или пространо). Користењето специјални знаци е во ред, но не ги повторувајте за да нагласите нешто (како !! или ***).
- Користете го стилот „Почетна голема буква“, кој честопати е најлесен за читање. Стилот „Почетна голема буква“ значи дека само првата буква од првиот збор во насловот е голема. Не користете големи букви во други зборови, освен ако не се работи за лично име како Јелоустоун.
Ако не ви успева да напишете нешто кратко, пробајте ја оваа вежба:
- Размислете што го прави вашето сместување привлечно и уникатно.
- Запишете си неколку збора што го опишуваат што поконкретно.
- Не се обидувајте да ја раскажете целата приказна, туку едноставно поканете ги гостите да дознаат повеќе.
Еве три примера за успешни наслови за инспирација:
- Приморско сместување со кајаци
- Романтична викторијанска гостинска соба
- Еколошка гарсониера во близина на аеродромот LAX
Не сте сигурни дека сте успеале? Можете да го промените насловот кога сакате. Всушност, многу домаќини ги ажурираат насловите кога додаваат удобности или кога ќе дознаат што најмногу им се допаѓа на првите неколку гости.