Како да создадете понуди кои се истакнуваат
Гледајте на вашите понуди како на артикли од менито што гостите можат да ги купат од вас. На секоја понуда ќе ѝ дадете име, опис, фотографија и цена за да помогнете да се разликува она што го нудите.
Овозможете им избор на гостите
Додајте најмалку 3 понуди со различни цени за гостите да имаат повеќе опции и полесно да ги исполните вашите цели за заработка. Најдобрата практика е да поставите понуди со почетна, стандардна и премиум цена.
Вашите цени треба да го одразуваат форматот, сложеноста и уникатноста на секоја понуда. На пример, фотограф во САД може да понуди сесија од половина час што чини помалку од 50 американски долари, персонализирана сесија за портрет што чини помеѓу 50 и 150 американски долари и семејна сесија што чини повеќе од 150 американски долари.
Гостите кои бараат услуги на Airbnb ќе ја видат вашата најниска цена во резултатите од пребарувањето. Почетната понуда може да ви помогне да привлечете гости кои првпат доаѓаат и да предизвика интерес за другите понуди.
Исто така, размислете да им дадете различни термини и локации на гостите од кои ќе можат да избираат. На пример, готвачот може да понуди органски појадок, ручек со производи од пазар и вечера со три јадења, а естетичарот може да понуди третмани за лице во сопствениот спа центар и во домот на гостинот.
Додавање понуди
Секоја понуда вклучува наслов, опис и фотографија.
- Наслов: означете ја вашата понуда со неколку зборови со специфичен, лесно разбирлив јазик.
- Опис: започнете со концизен, привлечен опис на она што е вклучено. Истакнете одредени состојки, техники, опрема или материјали што ја прават понудата посебна. Бидете што е можно поконкретни за да помогнете вашата понуда да се истакне.
- Фотографија: изберете слика што веќе сте ја поставиле или додајте нова. Фокусирајте се на еден детаљ или личност со едноставна заднина.
Откако ќе ги создадете понудите, може да го уредите или промените редоследот ако е потребно.
Сите домаќини, фотографии и детали за огласот мора да ги исполнуваат стандардите и барањата за Airbnb услугите.
Информациите што ги содржи статијава може да се променети по објавувањето.