Како функционираат исплатите за подолги престои

Подолгите престои може да обезбедат постојан прилив на приходи, особено кога гостинот резервира неколку недели или месеци по ред. Ако сте навикнати да угостувате лица за пократок престој, важно е да се напомене дека времето на плаќање за подолги престои или резервациите за повеќе од 28 ноќевања се разликуваат од она за пократки престои.

За пократки престои, ви ги испраќаме средствата кои ги нарекуваме исплата, околу 24 часа откако гостинот ќе се пријави во вашето сместување. За подолги престои, ви ги испраќаме исплатите на рати.

Еве како функционираат ратите:

• Првична исплата: на вашиот гостин му ги наплаќаме првите 30 ноќевања од престојот кога резервира и ја извршуваме исплатата 24 часа по закажаното време за пријавување.
• Дополнителни исплати: исплатите за следните ноќевања се собираат и ви се испраќаат секој месец (од 28 до 31 ден) по првичната исплата за остатокот од резервацијата.

„Ако резервацијата е за 45 дена, на пример, ќе добиете исплата за првите 30 дена веднаш по пристигнувањето на гостинот, а за преостанатите 15 дена еден месец откако гостинот ќе се пријави“, објаснува Супердомаќинот Дебора од Беркли, Калифорнија.

Може да го проверите статусот на вашите исплати во „Историјата на трансакции“.

Дознајте повеќе за добивање исплати

Колку точно време е потребно за парите да пристигнат на вашата сметка зависи од начинот на исплата што сте го избрале и од банката што ја користите. За новите домаќини кои ја прифаќаат првата резервација може да има одложување на плаќањето додека не го провериме вашиот идентитет.

Ако сте поставиле минимален износ за исплати, нема да ви ги исплатиме средствата додека вашата заработка не го достигне тој износ. Ако имате повеќе огласи за сместувања со пријавувања на истиот ден, обично ги испраќаме вашите средства како една исплата.

Секогаш кога ви испраќаме средства, ставката за таа исплата се преместува од „Претстојни исплати“ на „Завршени исплати“ во вашата „Историја на трансакции“. Може да ја споредите оваа историја со изводот од банкарската сметка за да бидете сигурни дека се совпаѓа.

Дознајте повеќе за исплатите за подолги престои