Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Како стручните домаќини привлекуваат гости за време на промената на годишните времиња

    Членовите на Советодавниот одбор на домаќини споделуваат како максимално ја искористуваат сезонската побарувачка.
    Од Airbnb на 23 септ. 2021 г.
    Четиво од 4 мин.
    Ажурирано на 23 септ. 2021 г.

    Исклучителни одлики

    • Членовите на Советодавниот одбор за домаќини споделуваат идеи за угостување за време на промената на годишните времиња

    • Некои од најпопуларните совети вклучуваат истражување на настани во близина и отворање на слободни датуми околу важни датуми

    • Може да го ажурирате и вашиот водич со локални активности и препораки

    Со промената на годишните времиња и опаѓањето на температурите низ северната хемисфера, извештајот за трендовите за патување на Airbnb покажува дека патниците резервираат сместувања за продолжени викенди и дека најмногу бараат живописни дестинации и градови со средна големина кои нудат многу активности.

    Извештајот нѐ натера да размислуваме за тоа како домаќините можат максимално да ја искористат промената на годишните времиња и на трендовите на патување. Каде и да сте во светот, промената на годишното време е секогаш добра прилика да го ажурирате календарот, деталите на огласот, водичот и друго.

    Разговаравме со членовите на Советодавниот одбор за домаќини Тил Зигер, Нинги Ванг и Сем Рид, за да дознаеме како тие реагираат на сезонската побарувачка и што прават за да им обезбедат незаборавно искуство на гостите.

    Ажурирајте го календарот за угостување

    Во многу региони, есента се смета за преодна сезона кога туризмот опаѓа, па затоа е популарен период за планирање конференции и фестивали кои постојано привлекуваат посетители. Иако настаните во многу градови низ светот се откажани оваа година поради COVID-19, рекреацијата на отворено останува важна мотивација за патување.

    Членот на Советодавниот одбор на домаќини Тил, кој угостува во приватна соба во Штутгарт, Германија, вели дека неговите гости во есенските месеци често се деловни патници кои доаѓаат на саеми од најразлични дејности. Тој, исто така, ги угостува туристите кои присуствуваат на Канштатер Фолксфест, фестивал на пивото сличен на Октоберфест во Минхен. „Размислете што е особено привлечно во вашиот регион и дајте им на гостите практични информации“, предлага Тил.

    Можете да ги следите важните локални настани така што ќе се поврзете со бирото за туризам во вашиот регион или ќе им се придружите на групите на социјалните мрежи. Ако сте во можност, добро би било да ги ослободите датумите околу важни настани.

    Направете промени во зависност од годишното време

    Ажурирањето на фотографиите и описот на огласот може многу да ви помогне за да привлечете нови гости. Размислете за тоа да менувате некои работи во сместувањето со промената на годишните времиња за да ги прикажете променетите пејзажи и да ги истакнете локалните настани.

    • Ако вашиот регион го красат убави есенски бои или пролетни цвеќиња, ажурирајте ги фотографиите на огласот и размислете да ставите слики на кои е прикажано зеленило или цвеќиња кои се типични за вашето подрачје.
    • Ако се наоѓате во близина на живописни дестинации, обидете се да ги вклучите во описот за сместувањето и во водичот.
    • Ако туризмот во вашиот регион се менува во зависност од годишното време, може да ги прилагодите цените соодветно. Некои домаќини ги намалуваат цените кога побарувачката е помала или ги зголемуваат барањата за минимален престој за време на големи настани.
    • Вклучете го „Паметното одредување цени“ за автоматски да ја ажурирате цената за ноќевање врз основа на повеќе од 70 фактора, вклучувајќи ја и сезонската побарувачка. Само не заборавајте да поставите минимална цена што ви одговара.

    Информирајте ги гостите за локалните атракции

    Членот на Советодавниот одбор на домаќини Сем Рид (кој сите го викаат само „Рид“) угостува во приватна соба во населба богата со дрвја во Филаделфија и обожава да им кажува на гостите за дивиот свет што поминува низ неговиот град од август до ноември.

    „Набљудувањето птици е навистина одлично наесен, со оглед на тоа што е време на преселба“, вели Рид. Тој, исто така, на гостите им го препорачува источниот државен затвор во Филаделфија кој е претворен во музеј што ги истражува реформите во кривичната правда и нуди доживувања во опседнати куќи во периодот на Ноќта на вештерките.

    За некои домаќини, сезонските активности можат да бидат многу практични. Како на пример за членот на Советодавниот одбор на домаќини Нинги, до чие сместување на планината Џем во Хангџоу во Кина може да се стигне само пеш.

    „За време на есенскиот фестивал во септември, моите гости и јас обично одиме да пловиме со брод на езерото за да јадеме традиционални месечеви колачи, да пиеме слатко вино и да раскажуваме приказни“, вели таа. „А во ноември, кога лисјата ги менуваат боите, одиме на пешачење во планините и полниме тенџере со изворска вода за да направиме чај.“

    Прилагодете ги удобностите кои ги нудите во моменталното годишно време

    Многу домаќини низ целиот свет прават мали промени на својот декор и удобностите за да се приспособат на годишните времиња. На пример, Тил и неговата сопруга, Јута, во текот на есента украсуваат со сушен рунолист и бобинки коишто додаваат топлина во нивниот стан.

    Кога времето ќе залади, на гостите ќе им биде попријатно ако внатрешниот простор е внимателно уреден според моменталното годишно време. Некои домаќини нудат купишта дрво и потпал за каминот или сѐ што ви е потребно за да направите топли пијалаци.

    „Ние сме големи љубители на чајот, па на гостите им оставаме многу сезонски чаеви“, вели Рид. Тој не заборава и да им понуди дополнителни ќебиња на гостите кога времето заладува.

    Како што можеме да видиме од нашите членови на Советодавниот одбор на домаќини, само малку дополнителен труд може да има големо влијание кога станува збор за тоа како најдобро да се искористи промената на годишните времиња. Дали ги менувате удобностите, деталите на огласот или стилот на угостување со промената на годишните времиња? Споделете го своето мислење во „Центарот на заедницата“.
    Информациите што ги содржи статијава може да се променети по објавувањето.

    Исклучителни одлики

    • Членовите на Советодавниот одбор за домаќини споделуваат идеи за угостување за време на промената на годишните времиња

    • Некои од најпопуларните совети вклучуваат истражување на настани во близина и отворање на слободни датуми околу важни датуми

    • Може да го ажурирате и вашиот водич со локални активности и препораки

    Airbnb
    23 септ. 2021 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми