Одете напред за да пристапите до предложените резултати

    Како функционира пребарувањето на Airbnb

    Дознајте кои фактори влијаат на пребарувањето и како да помогнете огласот подобро да ви се рангира во резултатите од пребарувањето.
    Од Airbnb на 1 дек. 2019 г.
    Четиво од 4 мин.
    Ажурирано на 13 мај 2021 г.

    Исклучителни одлики

    • Airbnb користи повеќе од 100 елемента за да одлучи како да ги подреди огласите во резултатите од пребарувањето

    • За да помогнете да се подобри рангирањето: одредете конкурентна цена и прифаќајте повеќе резервации

    • За да го најдете огласот: усогласете ги критериумите за пребарување со подесувањата и барањата за резервации и достапните датуми на вашиот оглас

    • Дознајте повеќе во нашиот целосен водич за поставување успешен оглас

    Создадовте и објавивте прекрасен оглас и сега вашите пријатели и семејството сакаат да го видат. Како да го најдат? И помеѓу сите огласи коишто се веќе објавени, како алгоритмот за рангирање при пребарување на Airbnb одлучува кои од нив да им се прикажат на патниците кои пребаруваат во вашиот регион? Дознајте кои фактори влијаат на рангирањето на вашиот оглас при пребарувањето и како да сте сигурни дека ќе можете да го најдете сопствениот оглас при пребарувањето.

    Основни информации за пребарувањето на Airbnb

    Алгоритмот за пребарување на Airbnb зема предвид повеќе од 100 различни елемента за да одлучи како да ги подреди огласите во резултатите од пребарувањето. Создаден е со цел да ги поврзе гостите со огласите што ги сакаат, врз основа на милиони примери на пребарувања што довеле до резервации во минатото. Исто така, се приспособува на секој гостин врз основа на фактори како што се локацијата, претходните патувања и зачуваните огласи. Секој елемент има различна важност, па не мора да го имате совршениот оглас или најдобрата локација за огласот да се рангира добро.

    3 клучни фактора кои влијаат на вашето рангирање

    1. Колку е привлечен вашиот оглас за гостите
    Алгоритмот на Airbnb зема предвид колку често гостите кликнуваат на вашиот оглас, колку често се обидуваат да стапат во контакт со вас преку вашата страница со огласи и колку барања за резервации прифаќате. Ако многу гости го додадат вашиот оглас на своите листи на „Омилени“, тој исто така ќе се рангира повисоко, а тие гости најверојатно повторно ќе го најдат огласот при наредни пребарувања.

    2. Цена
    Airbnb зема предвид колку е конкурентна цената на вашето сместување во споредба со други слични сместувања во вашиот регион. Алгоритмот за пребарување ја зема предвид вкупната цена без даноците, вклучувајќи ги и сите попусти или дополнителни надоместоци. Поставувањето конкурентна цена може да ви помогне да го подобрите рангирањето на огласот, бидејќи огласите со најдобри цени во кој било регион обично се прикажуваат на повисока позиција.

    Дознајте како да ја ажурирате цената

    3. Достапност
    Вашиот оглас ќе се појавува во повеќе резултати од пребарувањето ако на календарот имате многу слободни датуми или ако ја имате вклучено опцијата „Инстант резервација“. Колку повеќе слободни датуми нудите, толку е поголема шансата вашиот оглас да се појави во различни пребарувања, а ако ја користите опцијата „Инстант резервација“, вашиот оглас ќе се појавува секогаш кога гостите ќе пребаруваат огласи со „Инстант резервација“ во вашиот регион.

    Дознајте како да ја вклучите опцијата „Инстант резервација“

    Совет: ако одговарате на барањата во рок од 24 часа може подобро да се рангирате во резултатите од пребарувањето.

    Други начини за да го подобрите рангирањето

    • Оставете одличен прв впечаток: погрижете се првата фотографија да биде светла, висококвалитетна, хоризонтална слика од сместувањето. Колку повеќе љубопитни патници кликнуваат на вашиот оглас, толку е поголема веројатноста да се рангирате повисоко во резултатите од пребарувањето со текот на времето. Одличен начин да го истакнете вашиот простор е со впечатлива и реалистична фотографија.
    • Одговарајте брзо: ако одговарате на барањата во рок од 24 часа, вашиот оглас може подобро да се рангира во резултатите од пребарувањето.
    • Прифаќајте резервации: одбиените барања за резервација се непријатно искуство за гостите, затоа постојаното одбивање на барањата за резервација може негативно да влијае на позицијата на вашиот оглас во резултатите од пребарувањето. Сепак, некогаш морате да одбиете резервација.
    • Бидете Супердомаќин: иако Airbnb не им дава изрична предност на Супердомаќините при пребарувањето, факторите кои се потребни за да станете Супердомаќин, како што се позитивните оцени, високата стапка на одговор и редовното добивање резервации, помагаат вашиот оглас да се рангира повисоко. Гостите, исто така, имаат можност да ги филтрираат резултатите од пребарувањето за да се прикажуваат само огласите на Супердомаќините.

    Пронаоѓање на вашиот оглас при пребарувањето

    Специјалистите за поддршка на Airbnb заедницата добиваат многу прашања од новите домаќини кои велат дека не можат да ги најдат своите огласи во резултатите од пребарувањето. Еве две причини зошто ова може да се случи:

    1. Има задоцнување при објавувањето. Обично има задоцнување од моментот кога ќе го објавите огласот до моментот кога ќе се појави во резултатите од пребарувањето. Ако огласот не го најдете во рок од 24 часа, може да контактирате со поддршката на заедницата за да дознаете зошто.

    2. Пребарувањето е премногу општо. Ако не користите критериуми туку само го внесете градот, а не и датумите, во резултатите може да се појават илјадници огласи, а вашиот оглас може да не се појавува високо на листата. Но вистинските гости обично не ја користат веб-страницата на овој начин. Затоа, кога сакате да го пронајдете вашиот оглас, размислувајте како патник: користете одредени датуми, зумирајте ја мапата или одберете одредени удобности со помош на филтрите, или пак додајте филтер за цена.

    Совети за пронаоѓање на вашиот оглас при пребарувањето

    • Погрижете се вашите критериуми за пребарување да одговараат на подесувањата и барањата што сте ги поставиле за вашиот оглас.
    • Проверете дали датумите ги исполнуваат барањата за минимален број ноќевања и дали барате датуми кои се слободни на календарот.
    • Погрижете се пребарувањето да не вклучува повеќе гости од максималниот број на гости што сте го одредиле во подесувањата.
    • Ако имате вклучено „Инстант резервација“ и барате гостите да имаат претходни позитивни рецензии пред да резервираат, ќе треба да се најавите и да имате позитивни рецензии како гостин на Airbnb за да го најдете вашиот оглас во резултатите од пребарувањето.
    • Не заборавајте дека на секој гостин во одредена мера му се прикажува персонализирана содржина врз основа на претходната историја на прелистување на Airbnb, а пребарувањето на друг уред или во таен режим („инкогнито“) може да ги промени резултатите од пребарувањето.
    • Ако сместувањето има посебна карактеристика, на пример, ако дозволувате миленичиња, обидете се да го додадете тој филтер во пребарувањето. Можеби огласот не ви се прикажува највисоко при општото пребарување во вашиот регион, но може да има многу подобра позиција при пребарувањето кога некој ќе пребарува места кои ја имаат таа посебна карактеристика.
    • Исто така, ако во вашето место може да се сместат голем број гости (на пример 10 или повеќе), огласот може да се појави повисоко во резултатите од пребарувањата за места во кои може да се сместат, на пример, осум гости, а пониско во резултатите од пребарувањата за места само за еден или двајца гости.
    Информациите што ги содржи статијава може да се променети по објавувањето.

    Исклучителни одлики

    • Airbnb користи повеќе од 100 елемента за да одлучи како да ги подреди огласите во резултатите од пребарувањето

    • За да помогнете да се подобри рангирањето: одредете конкурентна цена и прифаќајте повеќе резервации

    • За да го најдете огласот: усогласете ги критериумите за пребарување со подесувањата и барањата за резервации и достапните датуми на вашиот оглас

    • Дознајте повеќе во нашиот целосен водич за поставување успешен оглас
    Airbnb
    1 дек. 2019 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми