Контролната табла за заработка додава вредни нови сознанија

Ако ја разбирате вашата заработка, може да ви биде полесно да водите поуспешен бизнис за угостување. Затоа ги додаваме овие функции на контролната табла за заработка, инспирирани од повратните коментари на домаќините.

• Приспособени извештаи: создавајте извештаи за заработка за кој било оглас и опсег на датуми што ќе ги изберете.
• Филтрирање по вид на заработка: прегледувајте ја вашата заработка по престои, кредити, барање и праќање пари и друго.
• Картички за заработка: ќе ве известиме кога исплатите се пратени.

Еве како да ги искористите карактеристиките што ќе ги најдете на контролната табла за заработка, почнувајќи од новостите.

Создајте приспособени извештаи за кој било оглас и опсег на датуми што ќе ги изберете. Airbnb сѐ уште генерира месечни и годишни извештаи за вас почнувајќи од месецот кога сте почнале да угостувате.

Во секој извештај е дадена анализа на вашата бруто заработка, одбитоците и вкупната нето исплата. Ќе имате можност да вклучите и:

• Начини на исплата што ја покажуваат вкупната заработка по сметка за исплата.
• Статистика за остварувањата со која се прикажуваат резервираните ноќевања и просечната должина на престој.

Откако ќе изберете што да вклучите, може да преземете PDF-датотека од извештајот или да ја испратите по е-пошта за сопствена евиденција.

Филтрирајте ја заработката по вид кога ги прегледувате претстојните или платените трансакции. Во видовите спаѓаат:

• престои
• доживувања
• кредити
• барање и праќање на пари

Може и да ги филтрирате трансакциите по датум, оглас и начин на исплата.

На контролната табла за заработка се појавува картичка за заработка кога плаќањето е испратено. На неа се прикажува:

• начинот на исплата
• износот на трансакцијата
• предвиденото време за обработка

Отворете ја трансакцијата за да видите повеќе детали.

На графиконот за заработка на горниот дел од контролната табла се гледа:

• Колку сте заработиле во секој од претходните шест месеца.
• Колку сте заработиле досега овој месец.
• Колку се предвидува да заработите во секој од следните пет месеца врз основа на претстојните резервации.

Проширете го графиконот за да ја видите заработката по месец или по година и користете го филтерот за да разгледувате по оглас.

Под интерактивниот графикон за заработка, во статистиката за остварувања се прикажани вкупниот број резервирани ноќевања и просечната должина на престој.

Во краткиот преглед на заработката се истакнати вашата бруто заработка, одбитоците и вкупната нето исплата од 1 јануари во тековната година.

Преку иконата со запченик во горниот десен агол на контролната табла за заработка можете да пристапите до:

• Начините на исплата и правилата за распределба на исплатата.
• Деталите за даночен обврзник и даночните документи.
• Извештаите за заработка за кој било оглас и опсег на датуми.
• Постојаните донации на Airbnb.org како процент од секоја исплата за поддршка на луѓето во кризни ситуации.

Добијте ран пристап уште денес за да ги испробате новите функции на контролната табла за заработка.

Корисничкото искуство може да варира во зависност од локацијата.

Информациите што ги содржи статијава може да се променети по објавувањето.