Изградете препознатливо локално присуство

Поврзувањето со луѓе надвор од мрежата на кодомаќини може да ви помогне да го проширите вашиот бизнис за кодомаќини. Можеби ги исполнувате условите да заработите награди за препорачани корисници кога ќе поканите домаќини да соработуваат со вас.

Размислете за комбинација од онлајн и маркетинг на лице место за да создадете забележително локално присуство. За почеток, неколку идеи:

• Известете ја мрежата дека сте достапни. Споделете го профилот со пријателите, семејството, соседите и колегите. Понудете им помош со објавување на огласот и со угостување во имот за кој сметате дека ќе биде погоден за Airbnb.
• Соработувајте со изведувачите со кои работите. Прашајте ги вашите чистачи, уредувачи на надворешни простори и екипата за одржување дали работат со домаќини кои бараат помош.
• Присуствувајте на настани во заедницата и виртуелни настани. Проширете ја мрежата така што ќе им се претставите на сопствениците на домови, малите бизниси и водачите во туризмот. Бидете подготвени да ги објасните вашите услуги со неколку реченици.

Џими, кодомаќин во Палм Спрингс, Калифорнија, вели дека нашол домаќини преку усна препорака во неговиот локален регион. На пример, тој нашол два нови имота за угостување преку лицето кое му го чисти базенот.

Земете ги предвид задачите со кои би можеле да се справите, а кои другите кодомаќини можеби нема да ги преземат. За почеток, неколку идеи:

• Склопете листа на барања за нови домаќини. Посоветувајте ги домаќините за удобностите, за чистењето и за важните материјали што треба да ги имаат на залиха.
• Споделете ги попустите со домаќинот. Понудете да го запознаете домаќинот со вашите даватели на услуги, ако тоа може да му заштеди пари на домаќинот на нешта како одржување, уредување на надворешниот простор, уметност или мебел за домот.
• Составете комплет за добредојде за гостите. Може да вклучите рачно напишана порака, кошница со деликатеси и печатено упатство за користење на куќата.
• Создајте водич за гости. Користете го вашето локално знаење за да им помогнете на домаќините да препорачаат места во близина за вечера, пазарување, разгледување знаменитости и доживувања на отворено. Додајте го на огласот и редовно ажурирајте го.

Може да поканите домаќини да ви бидат партнери така што ќе испратите линк за препорачан корисник.

• Притиснете на копчето подолу за да отидете на страницата за препорачани корисници. Споделете го уникатниот линк со домаќините, насочувајќи ги кон вашиот профил на кодомаќин.
• Од вашиот профил, побарајте од домаќините да ви испратат порака. Откако ќе го направат тоа, ќе може да се поврзете и да започнете.
• Следете ја дејноста на домаќините. Следете го нивниот статус во јазичето за барања на вашата контролна табла.

Можеби ги исполнувате условите да добиете награда за препорачан корисник откако домаќините ќе го завршат својот прв престој што ги исполнува условите. Дознајте кои домаќини ги исполнуваат условите на вашата страница со препораки.

Мрежата на кодомаќини моментално е достапна во Австралија, Франција, Германија, Италија, Јапонија, Мексико, Порторико, Јужна Кореја, Шпанија и Обединетото Кралство (овозможено од Airbnb Global Services); Канада, САД (овозможено од Airbnb Living LLC) и Бразил (овозможено од Airbnb Plataforma Digital Ltda).

Информациите што ги содржи статијава може да се променети по објавувањето.