Автоматизирајте ја комуникацијата со овие ажурирања за поштата

Го изменивме изгледот на поштата за домаќини за да ви заштедиме драгоцено време. Сега е до 10 пати побрза и вклучува ажурирани функции како закажани пораки и персонализирани брзи одговори, како и пребарување и филтрирање – сето тоа за да ја поедноставите комуникацијата со гостите.

Еве како ви помагаме полесно да комуницирате со гостите:

Навременото одговарање на гостите ви помага да создадете одлично искуство за нив.

Може да ги користите закажаните пораки за автоматски да им испраќате информации на гостите во важни моменти, како што се резервирањето, пријавувањето или одјавувањето.

Додадовме и персонализирани кратки кодови со кои автоматски се внесуваат деталите како името на гостинот и датумот на пристигнување. Тоа значи дека може да преминете од закажување пораки како „Ви благодариме за резервацијата!“ на „Ви благодариме за резервацијата, Ана!“ со вложување минимален напор.

Поставете ги закажаните пораки

Прашањата од гостите како „Може ли да добијам насоки до местото?“ и „Која е лозинката за wifi?“ се многу чести.

Затоа ги создадовме брзите одговори кои го олеснуваат и забрзуваат одговарањето на честите прашања. Едноставно изберете ја однапред подготвената порака и притиснете на „Испрати“. Како и закажаните пораки, брзите одговори сега содржат кратки кодови што ќе ви помогнат да додадете личен детаљ на секоја порака што ќе ја испратите.

„Со брзите одговори имам доволно време да создадам добро осмислен одговор – проверен, јасен и, ако е потребно, специјално приспособен на потребите на нашите гости“, вели Сали, домаќин од Сноквалми, Вашингтон.

Создајте брзи одговори

И поштата е поинтуитивна благодарение на функциите за пребарување и филтрирање кои ви овозможуваат полесно да ја најдете пораката што ви треба во моментот кога ви треба.

Пребарување

Сега може полесно да пребарувате низ поштата по име на гостинот, код за потврда или клучен збор. За да пребарувате по клучен збор, едноставно внесете текст во лентата за пребарување – поштата интелигентно и предвидливо пребарува низ пораките додека пишувате. (Една напомена: клучниот збор треба да биде правилно напишан, во спротивно поштата нема да може да ги најде точните пораки.)

Организирање

За да ви помогнеме подобро да ги подредите разговорите по приоритет и прво да се фокусирате на најитните прашања, исто така, може да ги организирате вашите пораки обележувајќи ја пораката како непрочитана, да ја означите со ѕвезда или да ја архивирате.

Филтрирање

Откако вашите пораки ќе бидат обележани како непрочитани или со ѕвезда, ќе може лесно да ги филтрирате и да ја најдете пораката што ви треба. Иконата на филтерот десно од лентата за пребарување ви помага да филтрирате според видот на пораката и/или фазата на патувањето. Филтерот со ѕвезда ви овозможува да се фокусирате на пораките што сте ги обележале како важни, додека филтерот за непрочитани пораки ги прикажува само непрочитаните пораки или пораките што сте ги означиле како непрочитани.

Исто така, може да филтрирате по оглас (ако имате повеќе) и по фазата на патувањето, како што е:

• прашања или барања
• потребна е рецензија
• пријавување и одјавување
• пред патувањето, за време на патувањето или по патувањето

Ако имате можност да ги филтрирате и пребарувате пораките во поштата, полесно ќе можете да ги најдете пораките, да одговорите на нив и да останете во контакт со гостите.