Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Прилагодување на подесувањата според локалната побарувачка

    Ако редовно ги следите трендовите на патувања, може да си ја зголемите заработката.
    Од Airbnb на 7 окт. 2019 г.
    Четиво од 4 мин.
    Ажурирано на 14 мај 2021 г.

    Исклучителни одлики

    • На побарувачката влијаат сезонските трендови, посебните настани, како и тоа дали се работи за патување преку викенд или за време на работната недела

    • Информации за претстојните настани може да најдете во бироата за туризам, групите на социјалните мрежи и веб-страниците за билети

    • Приспособете го календарот за да ја зголемите или намалите цената

    • Користете ја алатката „Паметно одредување цени“ за автоматизирано одредување цени врз основа на побарувачката

      • Дознајте повеќе во нашиот целосен водич како да го доведете вашето угостување до следното ниво

      За домаќините на Airbnb, како и за која било друга фирма, прилагодувањето на промените во побарувачката може да биде клучот за успехот. Живеете во град каде што е популарно скијањето? Или во регион со резорти популарни во летната сезона? Дали во вашиот регион се одржуваат големи конференции или фестивали? Не пропуштајте ја можноста да го направите вашето сместување достапно за време на популарните датуми и размислете на тоа да ја прилагодите цената за да привлечете повеќе гости за време на слабата сезона. Еве неколку совети кои ќе ви помогнат да ги разберете факторите кои влијаат на сезонската побарувачка и како максимално да ги искористите.

      Три најважни работи кои влијаат на побарувачката

      Прегледајте го календарот на почетокот од годината за да ги означите очигледните празници, а потоа разгледајте ги настаните и трендовите што може да го зголемат бројот на патници во вашиот регион.

      На вашиот календар на Airbnb автоматски ќе се прикажуваат информации за патувањата за вашиот регион, како што се ноќевања со невообичаено голема побарувачка и потенцијал за заработка. Редовно следете ги за да бидете сигурни дека сте запознаени со трендовите на патување и дека сте достапни за угостување, доколку сакате да угостувате.

      Главни фактори кои треба да ги земете предвид:

      1. Неделни трендови
      Побарувачката може да се промени во зависност од денот во неделата. На повеќето дестинации, викендите се попопуларни. Но, на некои места каде што гостите одат на деловни патувања, попопуларни се работните денови.

      2. Сезонски смени
      Во зависност од тоа каде се наоѓа вашето сместување, одредени периоди од годината ќе бидат попопуларни. Дали вашиот регион е популарна зимска дестинација или луѓето повеќе сакаат да доаѓаат во лето?

      3. Посебни денови или настани
      Конференции, фестивали и други големи настани создаваат голема побарувачка. За да бидете во тек со она што се случува во вашиот регион, поврзете се со локалното биро за туризам, приклучете се на групите на социјалните мрежи и регистрирајте се на неколку веб-страници за билети. Локалните весници и универзитети исто така можат да бидат одличен извор на информации.

      Приспособете ги подесувањата за цени

      Откако ќе добиете јасна слика за трендовите во вашиот регион, може да ја подесите цената за работни денови, викенди и празници или да ја прилагодите цената кога во вашиот регион се организира голема конференција или настан. Исто така, може да понудите специјални попусти за вонсезонски резервации.

      Обично добиваме резервации за новогодишната ноќ уште во август, затоа поставете ги цените за празниците порано.
      Branka and Silvia,
      Загреб, Хрватска

      Размислете на тоа да ја користите алатката „Паметно одредување цени“

      Кој е најлесниот начин да се прилагодите на побарувачката? Вклучете „Паметно одредување цени“. Алатката автоматски ја ажурира цената за ноќевање врз основа на вашите подесувања и повеќе од 70 фактора кои влијаат на цената, од сезонската побарувачка до бројот на позитивни рецензии што сте ги добиле за сместувањето. Само имајте на ум дека вие сте задолжени за цената и дека „Паметното одредување цени“ нема да земе предвид сѐ што влијае на она за кое гостите се подготвени да платат, како што е неверојатниот поглед или нивото на гостопримство што им го пружате на гостите.

      Ако користите „Паметно одредување цени“, не заборавајте да поставите минимална цена за таа никогаш да не падне под оној износ кој ви одговара.

      Истакнете се во периодите на мала побарувачка

      Кога има периоди на мала побарувачка, многу сместувања на вашиот пазар ќе останат нерезервирани. Може да привлечете гости со огласот така што ќе примените некоја промоција или ќе ја намалите цената. Airbnb ги истакнува атрактивните цени – оние што се пониски од вообичаените за тоа сместување – и ги објавува како одлични зделки. Најдобрите зделки се испраќаат дури и преку е-пошта до гостите кои пребаруваат, но сѐ уште не резервирале.

      Пробајте ги овие практични совети за домаќини

      Да знаете колку да наплатите, па дури и кога да ја ажурирате цената, може да биде права уметност. Еве некои омилени тактики што домаќините ги имаат пробано:

      • Планирајте однапред. „Обично добиваме резервации за новогодишната ноќ уште во август, затоа бидете внимателни и поставете ги цените за празниците порано.“ – Бранка и Силвија од Загреб, Хрватска
      • Поставете барања за минимален број на ноќевања. „За време на празниците, цената ја одредувам за минимум четири ноќевања, при што цената за новогодишната ноќ е највисока.“ – Лети од Атаскоса, Тексас
      • Поставете повисоки цени за далечни датуми. „Тоа значи дека календарот може да ми биде отворен за резервации, но не и дека ќе ми се пополни многу брзо. На тој начин им се дава можност на гостите кои сакаат да резервираат однапред (и да платат повисока цена за тоа) да го сторат тоа.“ – Пол од Лондон
      • Искористете ја алатката „Паметно одредување цени“ на најдобар начин. „Во секое време може сами да поставите посебни цени за одредени датуми или периоди за да ја поништите цената поставена од алатката „Паметно одредување цени.““ – Емил од Леуварден, Холандија
      • Извлечете го максимумот од периодот на мала побарувачка. „Ви предлагам да ги намалите цените во периодот кога побарувачката е слаба. Или искористете го тоа време за подобрувања или одржување на сместувањето бидејќи сигурно е дека работата ќе започне одново многу брзо и нема да имате време.“ – Сандра од Дејлесфорд, Австралија
      • Бидете подготвени на неколку обиди и грешки. „Најдобар знак дека нешто добро правите е кога добивате резервации и добри рецензии“, – Џеф и Џес од Дурам, Северна Каролина

      Со овие совети и алатки, како и малку пракса, може максимално да го искористите одредувањето цени секој ден од годината.

        Исклучителни одлики

        • На побарувачката влијаат сезонските трендови, посебните настани, како и тоа дали се работи за патување преку викенд или за време на работната недела

        • Информации за претстојните настани може да најдете во бироата за туризам, групите на социјалните мрежи и веб-страниците за билети

        • Приспособете го календарот за да ја зголемите или намалите цената

        • Користете ја алатката „Паметно одредување цени“ за автоматизирано одредување цени врз основа на побарувачката

          • Дознајте повеќе во нашиот целосен водич како да го доведете вашето угостување до следното ниво
          Airbnb
          7 окт. 2019 г.
          Дали ова беше корисно?

          Разгледајте повеќе теми