Како да понудите уникатно доживување

Гостите бараат доживувања кои сметаат дека не можат да ги најдат на ниту едно друго место. Користете ги вашите знаења и карактер за вашите активности да бидат автентични и незаборавни.

Доживувањата треба да им помогнат на гостите да пристапат до култура, вештина или место со локални домаќини кои најдобро го познаваат својот град.

• Пофалете се со вашиот град. Организирајте активности кои гостите не би можеле да ги прават сами. Џастин, кој организира обиколки за пешачење во Сиднеј и Бризбејн, Австралија, ги води гостите подалеку од вообичаените атракции. „Луѓето имаат претстава за тоа што е Сиднеј – пристанишни плажи, Сиднејската опера, морска храна“, вели тој. „Но јас ги носам гостите на места како Малата Италија и Тајландскиот град. Се работи за наоѓање на сопственици на локални бизниси чии приказни можам да ги раскажам.“
• Додајте личен шарм. Прикажете ја вашата автентична поврзаност со активноста. Еврен, кој организира музичка прошетка низ Сохо во Лондон, свирел гитара во бенд, раководел со издавачка куќа и управувал со рок бенд. „Никаде на друго место нема да го најдете ова“, вели тој.

Размислете што сакате вашите гости да запомнат од времето поминато со вас.

• Направете нешто незаборавно. Не мора да биде екстравагантно или скапо. Рути, која организира обиколка за храна во Лисабон, ги води своите гости во семеен ресторан за да го пробаат маслиновото масло од нивната фарма. „Не можете да го купите, па дегустацијата во нивниот ресторан е навистина посебно доживување.“ – вели таа.
• Обезбедете сувенир. Ова треба да биде нешто специфично за доживувањето, на пример, рачно изработени тестенини или керамика. Данило, кој организира работилници за фотографија во Берлин, помага во уредувањето на омилените фотографии на своите гости од нивното време поминато заедно. „Награда ми е да додадам малку магија во уредувањето“, вели тој.

Ако го промените доживувањето за да го направите поуникатно, ажурирајте го огласот за гостите да знаат што да очекуваат.

Сите домаќини, фотографии и детали за огласот мора да ги исполнуваат стандардите и барањата за Airbnb доживувањата.

Информациите што ги содржи статијава може да се променети по објавувањето.