Како до првата рецензија со 5 ѕвезди

Оцените и рецензиите им помагаат на гостите да одлучат дали вашето доживување им одговара. Позитивните рецензии може да доведат до повеќе резервации и поголема заработка.

Користете ги алатките за одредување цени во јазичето „Огласи“ и подесувањата за достапност во календарот за да започнете.

• Додајте попусти. Понудата на попусти за ограничен период, за рана резервација и за големи групи може да ви помогне да започнете со резервациите и да ја одржите цената конкурентна.
• Отворете достапност. Изберете колку време однапред гостите може да го резервираат доживувањето. Вашиот календар стандардно е поставен како недостапен.
• Намалете ги крајните рокови. Ако им дозволите на гостите да резервираат поблиску до почетокот на вашето доживување, може да привлечете повеќе резервации.
• Дајте им приоритет на периодите со голема побарувачка. Истражете ги популарните денови и термини за доживувања во вашиот регион, како што се викенди или празници. Може да ги закажете термините еднократно, секојдневно или на неделно ниво.

Повратните коментари од гостите ви помагаат да понудите доживување со највисок квалитет и да ја изградите вашата репутација како домаќин. Од гостите се бара да остават:

• Севкупна оцена. Гостите го оценуваат секое доживување на скала од 1 до 5 ѕвезди. Просечната севкупна оцена се појавува на огласот, во резултатите од пребарувањето и на профилот.
• Детални оцени. Гостите даваат поконкретни повратни коментари со оцена за уникатност, стручност, познанства, локација, веродостојност и однос цена/квалитет.
• Јавна рецензија. Ова се појавува на вашиот профил и во делот за рецензии на вашиот оглас. Ако одговорите на јавна рецензија, вашиот одговор ќе се појави под неа.
• Приватна белешка. Овој повратен коментар не се прикажува на вашиот оглас, туку е само за вас.

Откако ќе ги добиете првите 3 рецензии, ќе добиете сознанија за повратните коментари од гостите. Користете го менито за да пристапите до делот „Сознанија“ на Airbnb апликацијата.

Најуспешните домаќини откриваат како ги надминуваат очекувањата на гостите во деталните оцени.

Покрај овие совети за гостопримство, имајте ги предвид и „Основните правила за домаќини“ и „Правилата за безбедност при организирањето доживувања или услуги“ на Airbnb. Тие ги истакнуваат основните очекувања за нудење безбедни и висококвалитетни доживувања.

Сите домаќини, фотографии и детали за огласот мора да ги исполнуваат стандардите и барањата за Airbnb доживувањата.

Информациите што ги содржи статијава може да се променети по објавувањето.