Часовите по јога „Срцето на тантрата“ се покана да бидеме токму онакви какви што сме во моментот. Движењата се водени од дишењето, а низата е само водич, пристапна за сите типови тело и возрасти. Друга цел на оваа пракса е да им се овозможи на учениците да создадат своја сопствена пракса и нов вид интимност со самите себе.

Часовите за реставративна јога и јога нидра се вежби со побавно темпо, кои ги поттикнуваат учениците да останат во асана (позиција во јога) 2 до 3 минути, да го забават ритамот на дишење и да користат помагала за да се опуштат, да се истегнат и да ги обноват ткивата. Јога нидра е практика на медитација со водич во која состојбата на умот е помеѓу будност и спиење. Овие практики го ублажуваат хроничниот стрес, го поттикнуваат подлабокиот сон и го регулираат нервниот систем.