Како да ги изберете најдобрите фотографии од вашиот простор

Фотографиите им овозможуваат на гостите да се замислат себеси во вашето место и може да ги привлечат да истражуваат повеќе. Треба да додадете фотографии кои оставаат одличен прв впечаток, така што ќе се пофалите со најдоброто од вашиот простор.

Ви требаат само пет фотографии за да започнете, но може да обезбедите повеќе ако сакате. Сликите што сте ги направиле со вашиот паметен телефон може да се искористат доколку се јасни и добро осветлени.

Кога додавате фотографии, пробајте ги следниве совети:

• Изберете слики кои го доловуваат карактерот на вашиот простор. Ова е вашата можност навистина да ги воодушевите гостите. Целта нека ви бидат убави слики кои ги истакнуваат главните атрибути на вашето место.

• Погрижете се вашите најдобри фотографии да изгледаат добро и во форма на квадрат, а предметот да биде во средина на кадарот. Автоматски ќе ги исечеме за да се вклопат во резултатите од пребарувањето на Airbnb и на страницата со огласот.
• Фокусирајте се на еден аспект од вашето место за секоја фотографија. На пример, може да вклучите слики од просторот за спиење (кои даваат претстава за големината на собата), распоредот на вашиот простор (покажувајќи како кујната се спојува со дневниот простор на пониско ниво), некоја посебна карактеристика (прикажувајќи када со ногарки или детска соба за играње) и надворешниот простор (поплочен двор, простор за пикник или околниот пејзаж).
• Не користете фотографии коишто драстично сте ги измениле. Целта е да го претставите вашиот простор што е можно поавтентично.

Нашата паметна алатка автоматски ги подредува фотографиите што ќе ги додадете во зависност од нивниот квалитет и видот на собата. Може сами да го промените редоследот така што ќе притиснете или кликнете на одредена фотографија и ќе ја влечете до друга позиција, иако за најдобри резултати, ви препорачуваме да го зачувате редоследот што го предлага нашата алатка.

По објавувањето, може да ги измените сликите или да додадете повеќе, па дури и да ја организирате галеријата со фотографии како обиколка на соба по соба.

Информациите што ги содржи статијава може да се променети по објавувањето.