Како да напишете одличен опис за вашето место

Пробајте ги овие совети за да го истакнете она што е посебно.
Од Airbnb на 5 мај 2021 г.
Четиво од 2 мин.
Ажурирано на 16 ноем. 2022 г.

Пишувањето одличен опис е еден од најдобрите начини да привлечете гости. Не мора да бидете писател, само треба да им кажете на луѓето што да очекуваат кај вас.

За да започнете, изберете најмногу две од наведените карактеристики, а ние ќе ви предложиме воведна реченица. На пример, ако изберете „Мирно“ и „Елегантно“, би можеле да ви предложиме: „Одморете се и опуштете се во ова мирно и елегантно сместување“.

Таа воведна реченица е само една идеја и е наменета да ве инспирира. Ви препорачуваме да ја замените нашата реченица со свои зборови и да додадете други важни детали за вашиот простор. Знаеме дека можете!

Пробајте ги овие совети за сами да создадете привлечен опис за вашето место:

1. Истакнете ги посебните карактеристики. Секој простор е различен, затоа споделете го она што го издвојува вашиот. На пример:

  • Дали кујната е добро снабдена? „Направете брза ужина или фантастична гозба во целосно опремената голема кујна.“
  • Имате фантастичен поглед? „Гледајте го залезот на сонцето над езерото додека се опуштате во нашето катче крај прозорецот.“
  • Нудите лесен пристап? „Нашиот влез без скали е достапен преку широк, асфалтиран пат од пристапната патека.“

2. Бидете конкретни. Вклучете практични детали што може да им помогнат на гостите да планираат однапред. Бидете искрени во врска со сите необични нешта во вашето сместување за да ги поставите очекувањата за гостите. На пример:

  • Дали еден од вашите кревети е кауч? „Каучот на извлекување има душек со федери со големина на брачен кревет.“
  • Се наоѓа во бучен град? „Се наоѓаме во центарот на градот, затоа очекувајте бучава од градскиот сообраќај.“
  • Имате слаб сигнал за мобилниот телефон? „Немаме мрежно покривање, затоа отпечатете ги насоките пред да тргнете.“

3. Раскажете ја приказната за своето место. Додека наведувате детали, помогнете им на гостите да се замислат како херои на сопствената авантура. На пример:

  • Реставриравте некоја стара бања? „Опуштете се во кадата со ногарки и дозволете сите проблеми да испарат.“
  • Поставивте хранилка за птици? „Започнете го денот во друштво на колибри!“

4. Бидете кратки. Пишувајте прецизно, фокусирајќи се на важните детали кои не сте ги навеле претходно. На пример:

  • Се гордеете со својата колекција на игри? „Тестирајте ги своите шаховски вештини, играјте некоја друштвена игра или испробајте ги нашите боенки. Забава за сите возрасти!“
  • Имате луксузен кревет? „Потонете во душек од мемори-пена со чаршафи од египетски памук.“

Запомнете дека може да го ажурирате описот подоцна. Многу домаќини ги усовршуваат своите огласи со текот на времето.

Информациите што ги содржи статијава може да се променети по објавувањето.
Airbnb
5 мај 2021 г.
Дали ова беше корисно?

Разгледајте повеќе теми