Како да одредите во каков вид на сместување угостувате

Одличното гостопримство започнува со поставување јасни очекувања за вашиот имот. Може да им помогнете на гостите да го најдат вашиот оглас така што ќе одредите во каков вид на сместување угостувате.

Во овој чекор, треба да го изберете видот на имотот, како што е куќа или стан, што најдобро општо го опишува вашиот простор. Ќе побараме од вас да бидете попрецизни во следниот чекор.

Еве како Airbnb го дефинира секој општ вид на имот:

• Стан: обично се наоѓа во зграда со повеќе станови во кои живеат други луѓе, вклучувајќи кондоминиуми и поткровја.
• Куќа: самостојна структура што може да има заеднички надворешни простори или ѕидови, како што се куќите лепенки и дуплексите.
• Помошен објект: обично се наоѓа на заеднички имот со посебен влез, вклучувајќи гостински куќи и гостински апартмани.
• Уникатно сместување: интересна или неконвенционална структура, како куќа на дрво, јурта или сместување на фарма.
• Сместување кое нуди ноќевање со појадок: угостителски бизнис кој им нуди на гостите појадок со домаќин кој се наоѓа на лице место.
• Бутик хотел: угостителски бизнис со уникатен стил или тема што го дефинира неговиот идентитет.

Ако вашето сместување одговара на повеќе од еден вид имот, изберете го оној што сметате дека е најточен.

На пример, да речеме дека огласувате удобна мала гарсониера во вашиот двор. Може да изберете или „Помошен објект“ („Гостинска куќа“) или „Уникатно сместување“ („Миникуќа“), врз основа на тоа на кој вид на простор сметате дека најмногу наликува.

Нема погрешни одговори за ова, сѐ додека на гостите им давате правилен увид во тоа што можат да очекуваат ако го резервираат вашето сместување. Ќе побараме да додадете уште подетални информации во следниот чекор, а вие може да го промените она што сте го избрале откако ќе го објавите огласот.