Подготовка за резервирање на вашиот оглас за доживување

Честитки за одобрувањето на вашето Airbnb доживување! Откако ќе го објавите огласот, еве две работи што може да ги направите за да ги привлечете првите гости.

Ќе треба да го поставите календарот за гостите да можат да го резервираат доживувањето. Одлучете колку често ќе ја нудите активноста според нејзиното времетраење, достапноста и вашите деловни цели.

За да започнете, изберете го денот кога сакате да го организирате доживувањето и притиснете на „Закажете доживување“. Изберете го времето, видот на резервацијата, цената, големината на групата и другите детали. Ако понудите активност 10 или повеќе пати месечно, вклучувајќи барем еден викенд неделно, може да им помогнете на гостите да најдат датум и термин што ги задоволуваат нивните потреби.

Многу домаќини додаваат достапност за два месеца за да си ги зголемат шансите за добивање резервации. Ако доживувањето го нудите секојдневно, тогаш може да го закажете до 60 дена однапред, а ако го нудите неделно, тогаш до 52 недели однапред.

Не заборавајте да ги блокирате сите датуми кога не можете да угостувате за да избегнете откажувања. Исто така, може да го блокирате времето околу некоја активност за подготовка или чистење.

Многу гости ја земаат предвид цената кога резервираат доживувања на Airbnb. Поставувањето конкурентна цена може да помогне вашиот оглас да се истакне.

Започнете така што ќе пресметате колку ви треба за да си ги покриете трошоците. Следно, можеби ќе увидите дека понудата на пониска цена по лице може да привлече повеќе гости и да доведе до поголеми приходи. На пример:

• 4 гости резервирале по цена од 75 американски долари по лице = 300 американски долари.
• 8 гости резервирале по цена од 60 американски долари по лице = 480 американски долари.

Може да создадете и промоција за ново доживување за да ви помогне полесно да ги привлечете првите гости и раните рецензии. Промоцијата е можност да понудите попуст од 5% до 50% од цената во период од 30 дена.

Ако изберете попуст од најмалку 20%, цената со попуст ќе се прикажува во резултатите од пребарувањето на Airbnb веднаш до првичната, која е прецртана. Доживувањето ќе се врати на првичната цена кога ќе заврши понудата.

За да создадете промоција:

1. Одете на огласот и притиснете на „Уреди“.
2. Одете на „Подесувања за цени“ и притиснете на „Попусти“.
3. Во делот „Специјални понуди“, одете на „Промоција за ново доживување“ и притиснете на „Создајте понуда“.

Контролата врз цените и другите подесувања е постојано во ваши раце. Вашите резултати може да се разликуваат.

Информациите што ги содржи статијава може да се променети по објавувањето.