Добијте важни сознанија од контролната табла за заработка

Ако ја разбирате вашата заработка, може да ви биде полесно да водите поуспешен бизнис за угостување. Еве како да ги искористите функциите на контролната табла за заработка.

На графиконот за заработка на горниот дел од контролната табла се гледа:

• Колку сте заработиле во секој од претходните шест месеца.
• Колку сте заработиле досега овој месец.
• Колку се предвидува да заработите во секој од следните пет месеца врз основа на претстојните резервации.

Проширете го графиконот за да ја видите заработката по месец или по година и користете го филтерот за да разгледувате по оглас.

Под интерактивниот графикон за заработка, во статистиката за остварувања се прикажани вкупниот број резервирани ноќевања и просечната должина на престој.

Во краткиот преглед на заработката се истакнати вашата бруто заработка, одбитоците и вкупната нето исплата од 1 јануари во тековната година.

На контролната табла за заработка се појавува картичка за заработка кога плаќањето е испратено. На неа се прикажува:

• начинот на исплата
• износот на трансакцијата
• предвиденото време за обработка

Отворете ја трансакцијата за да видите повеќе детали.

Филтрирајте ја заработката по вид кога ги прегледувате претстојните или платените трансакции. Во видовите спаѓаат:

• сместувања
• доживувања
• услуги
• кредити
• разрешувања

Може да ги филтрирате трансакциите и по датум, оглас и начин на исплата.

Airbnb генерира месечни и годишни извештаи за вас почнувајќи од месецот кога сте почнале да угостувате. Може да го преземете кој било извештај или да испратите PDF-копија по е-пошта за сопствена евиденција.

Исто така, може да создадете приспособени извештаи за кој било оглас и опсег на датуми што ќе ги изберете. Во секој извештај е дадена анализа на вашата бруто заработка, одбитоците и вкупната нето исплата.

Ќе имате можност да вклучите:

• Начини на исплата што ја покажуваат вкупната заработка по сметка за исплата.
• Статистика за остварувањата со која се прикажуваат резервираните ноќевања и просечната должина на престој.

Откако ќе изберете што да вклучите, може да преземете PDF-датотека од извештајот или да ја испратите по е-пошта за сопствена евиденција.

Преку иконата со запченик во горниот десен агол на контролната табла за заработка можете да пристапите до:

• Начините на исплата и правилата за распределба на исплатата.
• Деталите за даночен обврзник и даночните документи.
• Извештаите за заработка за кој било оглас и опсег на датуми.
• Постојаните донации на Airbnb.org како процент од секоја исплата за поддршка на луѓето во кризни ситуации.

Корисничкото искуство може да варира во зависност од локацијата.

Информациите што ги содржи статијава може да се променети по објавувањето.