Како да се одлучите колку гости може да престојуваат во вашето сместување

Една од првите работи што потенцијалните гости сакаат да ги знаат за местото е колку е големо. Ако го наведете бројот на гости кои може да ги сместите и бројот на кревети, спални соби и бањи кои ќе им бидат достапни, може да им помогнете на луѓето да одлучат дали вашето место ќе им одговара.

Ќе може да додадете уште повеќе детали откако ќе го објавите огласот, вклучувајќи ги и видовите на кревети и удобностите што ги има секоја спална соба, како што се закачалките и дополнителните перници. Засега, може да се фокусирате на тоа колку гости би сакале да пречекате во вашето сместување.

Ако не сте сигурни, пробајте ги следниве совети:

• Избројте колку кревети имате. Размислете колку луѓе можат удобно да спијат во секој од нив.
• Избројте колку бањи имате. Размислете колку луѓе можат удобно да ги делат тие простори.
• Поставете максимален број на гости за кој се чувствувате добро. Само затоа што во вашето сместување можат да спијат одреден број луѓе, тоа не значи дека треба да сместите толку многу гости.
• Потрудете се да не ги изненадувате гостите. Ако во бројот на кревети се вклучени каучи, футони, воздушни душеци или други неформални аранжмани за спиење, не заборавајте да го истакнете тоа во претстојните чекори, како на пример кога ќе го додавате описот за сместувањето или објаснувањето за фотографијата. Може да ви помогне ако наведете и дали имате детско креветче или кревети на спрат со ограда.
• Не претпоставувајте. На пример, две лица кои патуваат заедно можеби не планираат да делат ист кревет.

Кога ќе бидете подготвени, користете ги копчињата „плус“ и „минус“ за да го поставите максималниот број на гости и да наведете колку кревети, спални соби и бањи имате на располагање. Алатката за додавање бањи овозможува додавање и на тоалет (каде што има шолја и мијалник, но нема туш или када).

Запомнете, може да ги промените вашите информации во секое време ако вашата ситуација или потреба се промени, вклучувајќи го и бројот на кревети и дозволени гости.