Како да изберете кого да примите за првата резервација
Пречекувањето непознато лице во вашиот дом за првпат може да ви биде малку чудно. За да бидете поспокојни, имаме технологии кои ќе ви помогнат да ги намалите ризиците за вас и за вашиот имот.
Како нов домаќин, може да го изберете и видот на гостин кој може прв да престојува кај вас. Во овој чекор, изберете каков гостин би сакале да пречекате:
- секој гостин на Airbnb
- искусен гостин
„Секој гостин на Airbnb“ значи секој кој е член на нашата заедница, вклучувајќи ги и новите корисници. Изборот на оваа опција може да доведе побрзо да ја добиете својата прва резервација, бидејќи ја отвора вратата за повеќе потенцијални гости кои бараат сместувања.
Искусен гостин е некој кој има добри оцени за најмалку три престоја на Airbnb без лоши рецензии. На сите искусни гости им е потврден идентитетот и имаат регистриран начин на плаќање. Со оглед на нивните оцени, тие може да помогнат угостувањето за првпат да изгледа помалку застрашувачко и може да дадат корисни повратни коментари за нивниот престој кај вас.
Двете опции се одличен избор. Едноставно изберете го она што ви се чини правилно.