Контролна табла за заработка: подобар преглед на крајната заработка

Ако ја разбирате вашата заработка, може да ви биде полесно да водите поуспешен бизнис за угостување. Затоа додаваме нови функции на контролната табла за заработка, инспирирани од повратните коментари на домаќините.

• Интерактивни графикони за подлабоки сознанија. Прегледувајте ја својата заработка со помош на месечни и годишни прегледи, филтрирајте по оглас и дознајте повеќе за претходните години и идните предвидувања.
• Извештаи за приходи во нов корисен центар. Автоматски добивајте ги месечните и годишните извештаи и преземајте ги во PDF-формат. Извештаите вклучуваат анализи по оглас и по начин на исплата.

Пристапете до контролната табла за заработка од јазичето „Мени“. Изберете „Заработка“ за да ја отворите.

Еве што сѐ ќе најдете на подобрената контролна табла за заработка.

На гафиконот за заработка на горниот дел од контролната табла се гледа:

• Колку сте заработиле во секој од претходните шест месеца.
• Колку сте заработиле досега овој месец.
• Колку се предвидува да заработите во секој од следните пет месеца врз основа на претстојните резервации.

Притиснете на двојната стрелка за да го проширите и да се движите низ графиконот за заработка. Овој нов преглед ја прикажува вашата заработка по месец или по година и по оглас. Користете го филтерот за да изберете кој оглас или огласи да се прикажат.

Под интерактивниот графикон за заработка, во статистиката за остварувања ќе видите:

• Број на резервации.
• Вкупно резервирани ноќевања.
• Стапка на пополнетост.
• Просечна должина на престој.

Овие статистики се пресметуваат врз основа на временскиот период и огласите што ги прегледувате. Автоматски ќе се ажурираат во кој било момент ако примените филтер или повторно ќе ја вчитате контролната табла.

За да добиете анализа на вашата заработка од 1 јануари во тековната година, па натаму, притиснете на „Прикажи краток преглед на заработката“ во близина на графиконот. Таму ќе се прикаже бруто заработката – вкупниот износ што го заработувате пред какви било одбитоци. Секој одбиток е наведен во посебен ред, по што следи нето износот.

Еве што ќе видите:

• бруто заработка
• отштети
• надоместок за услугата на домаќинот
• задржани даноци
• вкупна нето исплата

На контролната табла се истакнати претстојните и неодамнешните трансакции. Отворете која било од трансакциите за да ги видите деталите, вклучувајќи:

• Анализа на цена.
• Датум на кој е платено или е закажано да се плати.
• Опција за примање исплати во рок од 30 минути преку брзо плаќање (само во САД).
• Код за поврзаната резервација.
• Име и фотографија на гостинот.

Отворете ги сите претстојни или сите платени трансакции за целосен приказ. Оттаму, можете:

• Да ги филтрирате трансакциите по датум, оглас и начин на исплата.
• Да го пребарувате точниот износ за плаќање или кодот за потврда на резервацијата.
• Да создавате приспособени извештаи како CSV-датотеки така што ќе изберете кои детали сакате да бидат вклучени, на пример, начинот на исплата, датумот на резервацијата и кодот за потврда на резервацијата.

Airbnb сега автоматски генерира месечни и годишни извештаи за вас во новиот центар за известување. Може да пристапите до извештаите почнувајќи од годината кога сте почнале да угостувате и да ги преземете или да ги испратите по е-пошта како PDF-датотеки.

Во секој извештај се истакнати деталите за заработката за тој месец или година, вклучувајќи:

• Анализа на бруто заработката, отштетите, надоместоците за услугата на домаќинот, сите задржани даноци и вкупната нето исплата.
• Статистика за остварувањата, како што се резервираните ноќевања и просечната должина на престој.
• Заработка според огласот и начинот на исплата.
• Заработка за секој месец од избраната година (само за годишни извештаи).

Притиснете на иконата со запченик во горниот десен агол на контролната табла за заработка за да пристапите до:

• Подесувањата за исплата, каде што можете да ги прегледате начините на исплата и правилата за распределба на исплатата или да додадете нови.
• Даночните информации, каде што можете да управувате со деталите за даночен обврзник и даночните документи.
• Извештаите за заработка, што е уште еден начин да дојдете до изводите во вашиот нов центар за известување.

Испробајте ја подобрената контролна табла за заработка уште денес ако се пријавите за ран пристап.

Корисничкото искуство може да варира во зависност од локацијата.

Информациите што ги содржи статијава може да се променети по објавувањето.