Летно издание

Нов Airbnb за еден нов свет на патување

Во два реда фотографии од прекрасни сместувања прикажани се домови во категориите „Замоци“, „Пустина“, „Стилски сместувања“, „Близу плажа“ и „Во село“ на Airbnb. Еден од огласите е прикажан на екран на мобилен телефон, што покажува како огласите ќе се појавуваат во Airbnb апликацијата.

Луѓето се пофлексибилни од кога било за тоа каде и кога патуваат. За да им помогнеме да ги искористат овие нови можности, ја воведуваме нашата најголема промена во последната деценија, вклучувајќи и целосно нов начин на прелистување, подобар начин за подолго да престојувате и неспоредливо ниво на заштита.

Нов начин на прелистување

Ви претставуваме сосема нов дизајн заснован на категориите на Airbnb, за да им помогнеме на нашите гости лесно да го истражат светот на Airbnb и да откријат места што инаку не би знаеле како да ги побараат.

Отворен лаптоп и мобилен телефон ја прикажуваат новата почетна страница на Airbnb на којашто се прикажани фотографии од категоријата „Стилски сместувања“ на Airbnb. Во ред икони на горниот дел на страницата се прикажани различните категории што гостите може да ги истражуваат.

Категории на Airbnb. Осмислено за гостите да откријат уникатни сместувања.

Нашите домаќини нудат милиони уникатни сместувања низ целиот свет. Категориите на Airbnb ги организираат во избрани колекции, со над 50 категории на сместувања избрани за нивниот стил, локација или активности во близина. Тие вклучуваат:

Ви ја претставуваме категоријата „Стилски сместувања“

Сега гостите лесно можат да откријат над 20 000 сместувања избрани за нивната легендарна архитектура и ентериер, вклучувајќи и ремек дела на архитекти како Френк Лојд Рајт и Ле Корбизје.

Френк Лојд Рајт

Домаќин е Марика

Ле Корбизје

Домаќин е Елоди

Taalman Architecture

Домаќин: Линда

Дом сличен на контејнер направен од портокалов метал е прикажан на отворено со дрво на еукалиптус видливо во преден план.

Robert Nichol & Sons

Домаќин е Дајгет

Стивен Хол

Домаќин е Сара

Вилијам Турнбул Џуниор

Домаќин е Миџу

Cameron Anderson Architects

Домаќини се Рик и Стеф

Рикардо Бофил

Домаќин е Ханс

Како ги создаваме категориите на Airbnb

Избрано од шест милиони домови

Домаќините на Airbnb ја нудат најголемата колекција на уникатни домови во светот (од куќи на дрво до миникуќи) во повеќе од 100 000 града во 220 земји.

Анализирано преку машинско учење

Ги оценуваме сместувањата на Airbnb со помош на машинско учење за анализа на наслови, писмени описи, рецензии од гости, описи на фотографии и други податоци.

Избрано од Airbnb

Airbnb автоматски ги избира огласите и фотографиите што ќе бидат истакнати. Огласот се избира врз основа на релевантноста за категоријата и квалитетот на неговите фотографии.

Ви претставуваме „Поделени престои“

Сѐ повеќе луѓе одат на подолги патувања од кога било претходно. За да им дадеме уште повеќе опции кога си прават планови, создадовме „Поделени престои“ – иновативна нова функција која го дели патувањето помеѓу две различни сместувања. Сега гостите може да најдат во просек 40% повеќе сместувања кога пребаруваат такви сместувања за подолги престои.

Подобар начин за да престојувате подолго

На екранот на мобилниот телефон е прикажан поделен престој. На екранот пишува: „Поделете го своето време меѓу Норебро и Гамелхолм“ и ја прикажува цената за патувањето. Подолу има две фотографии од домовите. На сликата за „Норебро“ е прикажана трпезарија со многу црни полици за книги и модерен лустер. На сликата за „Гамелхолм“ е прикажана друга трпезарија која е осветлена од голем тавански прозорец. До секоја фотографија се напишани датумите кои јасно покажуваат дека гостинот ќе помине 12 дена во „Норебро“, а потоа 18 дена во сместувањето „Гамелхорм“.

Две сместувања на една дестинација

Кога гостите бараат сместување за подолг престој на некоја дестинација, ќе им понудиме можност да го поделат своето патување помеѓу две различни сместувања во регионот.

На екранот на мобилниот телефон е прикажан поделен престој од категоријата „Национални паркови“. На екранот пишува „Поделете го своето време меѓу Зајон и Големиот кањон“, заедно со цената на предложеното патување. Подолу има две фотографии една до друга. На фотографијата од Зајон се гледа просторен, осветлен шатор под темно небо. На фотографијата од Големиот кањон се гледа надворешен базен со поглед на планина. На секоја фотографија се напишани датумите кои јасно покажуваат дека гостинот би поминал 4 дена во Зајон, а потоа 3 дена во Големиот кањон.

Две сместувања во една категорија

Поделените престои се нудат и во 14 различни категории, меѓу кои и „Кампување“, „Национални паркови“, „Сурфање“ и друго, така што гостите можат да уживаат во слични сместувања или активности на две места. На пример, гостин кој прелистува во категоријата „Национални паркови“ може да најде предлог сместувања од поделени престои, едно во близина на Зајон, а друго во близина на Големиот кањон.

Едно беспрекорно искуство

На екранот на мобилниот телефон е прикажан поделен престој. На екранот пишува: „Престојувајте во Рома Норте и Ла Кондеса“ и е прикажана цената на патувањето и слики од два светли, шарени, но различни поплочени дворови во Мексико Сити. Подолу има копче со наслов „Мапа“.

Интелигентно совпаѓање

Интелигентно комбинираме две сместувања кои се совпаѓаат според локацијата, видот на имот и удобностите.

На екранот на мобилниот телефон е прикажана мапа на Мексико Сити. Двете сместувања кои се појавија на претходниот екран се означени со црни икони кои ги прикажуваат датумите на секој престој. Заоблената црна линија покажува колку се блиску сместувањата едно до друго. На вметнатата слика се повторуваат сликите од двата шарени поплочени двора вклучени во овој „Поделен престој“.

Анимирано мапирање

Поделените престои се поврзани на мапата со анимација која јасно го покажува растојанието меѓу сместувањата и редоследот на престоите.

На екранот на мобилниот телефон е прикажана слика од сместувањето „Рома Норте“, како и релевантни информации за резервацијата. На долниот дел од екранот има копче што го поканува гостинот да „Резервира“.

Лесно резервирање

Откако гостинот ќе избере поделен престој, ќе може да следи лесна постапка за да го резервира секое сместување поединечно.