Започнете да угостувате преку Airbnb

Гледајте на огласот како на реклама за вашето место. Направете го што попривлечен, но бидете искрени ако има нешто необично.

• Почнете со основните работи. Внесете детали како што е локацијата на сместувањето, видот на имотот што го нудите и бројот на спални соби и бањи до кои гостите ќе имаат пристап.
• Фотографирајте го просторот. Гостите сакаат да прелистуваат фотографии кога одлучуваат каде да престојуваат. За да ги направите најдобрите фотографии, расчистете го просторот пред фотографирањето. Сликајте го секој простор, користејќи природна светлина и хоризонтален кадар, кога е можно.
• Истакнете ги уникатните детали. Кога го пишувате насловот и описот на огласот, размислете што го прави вашиот простор посебен, на пример, убав поглед или базен. Исто така, во описот спомнете ги сите аспекти што може да им се важни на гостите пред резервирањето, на пример, дали има скали или паркинг.
  

Следниот чекор ќе биде да одредите каква логистика ќе спроведувате за сместувањето за процесот на угостување да тече непречено.

• Додајте куќен ред на огласот. За да им помогнете на гостите да ги разберат вашите очекувања, додајте правила за вашиот простор кои ќе вклучуваат детали како што се ограничувања за пушење, миленичиња или забави.
• Поставете го вашиот календар. За да бидете сигурни дека ќе добивате резервации само кога ќе можете да угостувате, ажурирајте го календарот на Airbnb според вашата достапност. Исто така, може конкретно да наведете колку време однапред треба да добиете претходно известување или колку време однапред гостите можат да резервираат.
  
• Изберете ја вашата цена за ноќевање. Секогаш зависи од вас колку ќе наплаќате, но Airbnb има алатки како „Паметно одредување цени“ кои ќе ви помогнат да ги усогласите цените со побарувачката, како и опции за приспособени цени за периоди како викенди и одредени сезони.
• Прегледајте ги локалните закони. Во некои градови има правила кои се однесуваат на делењето на домот, како што се ограничувања на бројот на ноќевања на кои може да угостувате, барања за регистрација или специјални даноци. Дознајте повеќе за одговорното угостување тука.
  

Без разлика дали го очекувате првиот или 100-тиот гостин, ова се чекорите што ќе треба да ги преземете за да бидете сигурни дека сместувањето е подготвено.

• Расчистете. Исчистете ги сите соби до кои гостите ќе имаат пристап, особено спалните соби, бањите и кујната. Уверете се дека нема влакна, прашина или мувла на површините и подовите и постелете чиста постелнина на креветите.
  
• Приберете си ги вредните предмети. Ако имате накит, пасоши или други вредни предмети, размислете да ги чувате во заклучена просторија, плакар, сеф или складиште. Или може да ги оставите кај некој член од семејството или кај пријателите.
  
• Снабдете се со основни удобности. За да им помогнете на гостите да се чувствуваат како дома, размислете да обезбедите удобности како сапун, шампон, тоалетна хартија, постелнина и крпи. Добро би било да имате и резерва.
• Дајте им детали за пријавување. Бидете подготвени да ги пречекувате и испраќате гостите или да имате на располагање пријатели или членови од семејството кои би можеле да ви помогнат. Ако нема да има никој во сместувањето, секогаш може да користите сеф за клучеви или електронска брава и да им дадете на гостите инструкции за пријавување во Airbnb апликацијата.
• Додајте ги завршните детали. Гостите сакаат внимателно осмислени детали. Може да создадете упатство за користење на куќата со инструкции кои ќе им помогнат на гостите да се снајдат. Шише вино или мал подарок, исто така, може да придонесе гостите да се чувствуваат дополнително добредојдени, но дефинитивно не е задолжително.

Откако ќе го поставите огласот и ќе го подготвите просторот, ќе бидете подготвени да почнете да пречекувате гости и да заработувате!