Подготвка за угостување бегалци преку Airbnb.org

Кога се селат во нова земја, бегалците и барателите на азил мораат да се снајдат во ново културно опкружување и да решаваат логистички прашања, како што е довршувањето на документацијата и барањето работа. Често, социјалните работници од непрофитните партнери на Airbnb.org им помагаат на клиентите бегалци со овие клучни задачи и им помагаат да најдат постојано сместување. Понекогаш, бегалците и барателите на азил треба самите да се снаоѓаат со овие предизвици.

Како домаќин, може да бидете дел од клучен момент во нечиј живот нудејќи му безбедно и удобно сместување додека привремено не се снајде во новата средина, додека не развие план за својата иднина и не го врати чувството на нормален живот.

Во оваа статија ќе најдете совети како да се подготвите за да угостувате лица кои го почнуваат својот живот од почеток. Овие препораки се засноваат на совети од други домаќини кои пречекале гости бегалци и од социјални работници од непрофитни организации кои им помагаат на клиентите бегалци.

Пред резервирањето, ќе ве исконтактира социјален работник од една од непрофитните организации кои се партнери на Airbnb.org, како што се IRC и HIAS или потенцијален гостин кој добил ваучер за платена резервација за да ги потврди деталите за вашето сместување. За да го олесните ова, проверете дали деталите на огласот се целосни и ажурирани и одговорете во најкраток рок на сите прашања.

Важно е да се биде свесен дека за време на бегалската криза, како што е онаа што моментално го погодува народот на Украина, потребата за сместување е итна и непосредна. Во некои случаи, барањата за резервација на Airbnb.org може да бидат за престои од 30 дена или повеќе, почнувајќи само еден или два дена по првичниот контакт со гостинот.

За време на процесот на резервирање, може да му поставите прашања на гостинот или на социјалниот работник, а во случај на потреба, ќе имате пристап и до специјално обучениот тим за поддршка на Airbnb.org.

Непрофитните партнери често им ги обезбедуваат на своите клиенти неопходните основни работи како што се храната и превозот, како и пристап до важни услуги како што се здравствената грижа, работата и помошта околу долгорочно сместување.

Поради големиот обем на работа околу преселувањето на бегалците од Украина, побарувачката за овие услуги за поддршка е исклучително голема. На гостите им се препорачува прво да се потрудат сами да се погрижат за овие основни работи, за да може да им се обезбеди поддршка на лицата со најголема потреба.

Како домаќин, може да изберете да обезбедите упатства за локалните ресурси за да им помогнете на гостите да се прилагодат на новата заедница, иако тоа не е задолжително.

„Размислував практично, како што би размислувала една мајка.“ – вели Сара, домаќин од Ванкувер, Канада. „Дали им треба облека? Дали да ставиме храна во фрижидерот? Дали ќе им биде потребна помош околу пазарувањето намирници?“ Таа ги испратила овие прашања до социјален работник од непрофитната организација која им помага на нејзините гости, кој ѝ одговорил дека на семејството што ќе го угостува може многу да му значи ако обезбеди дополнителни ќебиња и мали играчки за децата.

Домаќинот Адам од Онтарио, Канада, кој има украинско потекло и претходно искуство со угостување бегалци преку Airbnb.org, брзо понуди сместување на луѓето кои бегаат од конфликтот во Украина. Покрај тоа што угостува во сопствениот простор и во имотите со кои управува, Адам вели дека со задоволство им помага на гостите повторно да го изградат својот живот поврзувајќи ги со украинската култура и заедница во неговиот регион, како што се продавниците, црквите и часовите за професионален развој во локалниот украински „Центар на заедницата“. „Обично ги прашувам: „Што работевте дома?“ и се обидувам да ги насочам во правилната насока.“ – вели тој.

Степенот на приватност што му одговара на секое лице или семејство ќе варира, како што би било случај и со сите гости на Airbnb. Одредувањето на деловите од вашиот дом каде што гостите можат да се опуштат имајќи приватност или да се поврзат со членови од семејството (на пр., посебна соба за опуштање, двор или некој друг простор) може да ја олесни транзицијата и да им помогне да се чувствуваат добредојдени.

„Семејството [кое го угостивме] имаше можност да биде само или да се дружи со другите колку што сака.“ – вели Сара. „Бевме пријателски расположени ако ги видевме во градината или кога ги средуваа намирниците што си ги купиле, но им дадовме простор да прават што сакаат.“

Airbnb воведе упатства и програми коишто им помагаат на домаќините да понудат побезбеден престој. Еве неколку клучни работи:

• Носете маска и практикувајте социјално дистанцирање кога тоа се бара со локалните закони и упатства.
• Следете го процесот за потемелно чистење во 5 чекора на Airbnb помеѓу секој престој.
• Не патувајте или угостувајте ако неодамна сте биле изложени на COVID-19 или имате симптоми.

Гостите бегалци можеби доживеале сериозни тешкотии за време на нивното патешествие. Ако сте заинтересирани да дознаете повеќе за искуството на бегалците, разгледајте ги овие материјали кои ги препорачуваат нашите непрофитни партнери:

• Дознајте повеќе за работењето со бегалци.
• Добијте информации за актуелната криза со бегалци од Украина од партнерот на Airbnb.org, Меѓународната организација за миграција.
• Дознајте повеќе за кризата со која се соочуваат луѓето од Авганистан од партнерот на Airbnb.org, Меѓународниот комитет за спасување (IRC).

Како луѓето кои бегаат од Украина ги резервираат сместувањата за привремен престој?
Откако лицето или семејството ќе бидат идентификувани како лица на кои им е потребно привремено сместување, социјалниот работник од непрофитната организација може да им помогне да резервираат сместување или гостинот може да добие ваучер за резервација, што ќе му овозможи сам да резервира привремено сместување.

Домаќините може да бидат известени за време на постапката за резервација кога барањето за резервација е за сместување за итни случаи преку Airbnb.org.

Колку долго ќе треба да обезбедувам сместување за гостите бегалци?
Сместувањата на Airbnb.org обично се резервираат за период од неколку дена до неколку недели. Меѓутоа, бидејќи милиони луѓе бегаат од Украина, непрофитните организации и владините агенции се справуваат со голем обем на барања за помош, поради што на некои гости им е потребен престој од 30 дена или повеќе.

Во некои градови се прекинаа ограничувањата за должината на престоите за сместување на бегалци. За да дознаете кои прописи важат во вашиот регион, контактирајте со соодветните локални власти.

Што ќе се случи откако ќе заврши престојот на гостинот бегалец?
За време на привремениот престој, гостинот бегалец можеби ги планира следните чекори за започнување на својот живот на нова локација, што вклучува и наоѓање на сместувања за подолгорочен престој.

Гостите имаат директен пристап до специјализираниот тим за поддршка на Airbnb.org, кој тесно соработува со локалните непрофитни организации за дополнителна поддршка ако е потребна.

Поради невидениот обем на кризата во Украина, непрофитните организации приоритет при нудењето дополнителна помош мора да им дадат на поединците за кои процениле дека имаат најголема потреба. Во моментов е невозможно да се гарантира дека секој гостин ќе може да добие подолгорочна поддршка.

Во случај гостинот да има потреба од дополнително привремено сместување на крајот од својот престој, може да контактира со Airbnb.org за да побара до две недели дополнително сместување.

Како луѓето ги исполнуваат условите за сместувања за ини случаи?
Airbnb.org честопати работи со непрофитни организации и агенции за преселување, специјализирани за реакција во кризни ситуации и преселување на бегалци, за да обезбеди поддршка на терен, вклучувајќи и проценка на потребите и исполнувањето на условите на потенцијалните гости.

Гостите на Airbnb.org кои самостојно си резервираат привремени сместувања треба да постават сметка на Airbnb, а тоа може да вклучува проверки за потврда на идентитетот.

Како угостувањето преку Airbnb.org влијае на мојот статус на Супердомаќин?
За проценката на Супердомаќини на 1 април 2022 г. (вклучувајќи ги и податоците од 1 април 2021 г. до 31 март 2022 г.):

• Резервациите на Airbnb.org ќе го зголемат вкупниот број на престои.
• Резервациите преку Airbnb.org нема да влијаат врз другите фактори што се земаат предвид за време на тримесечните проценки за Супердомаќини, како што се рецензиите, откажувањата и стапката на одговор.

Подготвени сте да започнете? Придружете ѝ се на растечката заедница којашто создава можност за споделување во тешки времиња преку Airbnb.org.