Како функционира процесот на резервирање на Airbnb?

Процесот на резервирање на Airbnb е осмислен да тече непречено и едноставно. Сепак, како нов домаќин, може да имате прашања за неговото функционирање.

Откако ќе го разберете процесот на добивање и одговарање на прашањата за резервации, вклучување или исклучување на функцијата „Инстант резервација“, следење на резервациите и планирање на календарот однапред, ќе бидете подготвени да ги пречекате првите гости.

Некои гости може да имаат прашања, на пример, дали може да се пријават порано или која е точната локација на сместувањето. Тие гости може да ви испратат прашање за резервацијата пред да ја направат. Кога ќе добиете прашање, во зависност од вашите подесувања, ќе добиете е-пошта, известување во вашата пошта на Airbnb или и двете.

Дури и ако ја користите опцијата „Инстант резервација“, гостите може прво да ви испратат барање за резервација за да добијат малку повеќе информации пред да ја резервираат. Ќе имате 24 часа да им одговорите на пораката. Откако ќе одговорите на прашањата на гостите, може да им испратите:

• Однапред одобрено барање кое им овозможува да го резервираат вашето сместување во рок од 24 часа без вие да преземете нешто, доколку опцијата за „Инстант резервација“ ви е исклучена.
• Специјална понуда која ви овозможува да им понудите попуст (често се користи за подолги престои).
• Известување за одбивање ако не можете да го угостите лицето, сѐ додека сте во согласност со нашата „Политика против дискриминација“.
  

Гостите кои немаат прашања може да резервираат сместување со „Инстант резервација“, ако сте ја вклучиле, или со барање за резервација, ако „Инстант резервацијата“ ви е исклучена.

• „Инстант резервацијата“ е стандардната опција за резервирање за сите огласи. Ако ја користите, гостите кои ги исполнуваат сите ваши барања и кои ќе го прифатат вашиот куќен ред ќе можат веднаш да го резервираат вашето сместување за кои било достапни датуми. „Инстант резервацијата“ покажува и дека сте подготвени да ги угостите сите што се во согласност со вашите критериуми за резервација, што е важно за да бидете домаќин кој не исклучува никого.
• Барањата за резервација ви даваат 24 часа за да ги прегледате и да ги прифатите или одбиете сите поднесени барања за резервација. Ќе може да пристапите до рецензиите и профилите на гостите. Некои домаќини, особено оние кои имаат уникатни сместувања или променлив распоред, претпочитаат рачни барања за резервација.

Може да ги прилагодите цената и подесувањата според локалната побарувачка за различни периоди од годината. Неколку кратки совети за календарот:

• Блокирајте одредени датуми на кои знаете дека нема да можете да усгостувате.
• Поставете минимална и максимална должина на престој.
• Ако имате други онлајн календари, синхронизирајте го календарот на Airbnb со нив за да бидете сигурни дека сте во тек со претстојните резервации.

Добијте повеќе детали за подесувањата за календарот и за резервирање.

Откако ќе разберете како гостите можат да го резервираат вашиот простор и какво е нивното искуство при резервирањето, ќе бидете подготвени да се посветите на забавниот дел од угостувањето: пречекот на гостите.

Информациите што ги содржи статијава може да се променети по објавувањето.