Како подолгите престои може да му бидат од корист на вашиот бизнис за угостување

Прифаќањето резервации за подолги престои може да биде паметна стратегија за угостување. Може да генерирате попредвидлив прилив на приходи, да го намалите обемот на работа при промената на гостите и да угостувате со поголема флексибилност.

Подолгите престои помагаат брзо да го пополните календарот. Без разлика дали се неделни (најмалку седум ноќевања) или месечни (најмалку 28 ноќевања), тие го намалуваат бројот на празнини помеѓу резервациите.

Подолгите престои, исто така, можат да создадат попредвидлив и постабилен прилив на приходи. Кога угостувате некое лице подолго од еден месец, исплатени сте преку редовни рати.

Може да ги поттикнете луѓето на подолги престои така што ќе додадете месечни и неделни попусти:

1. Притиснете или кликнете на иконата за подесувања во календарот.

2. Придвижете се до „Попусти“ во јазичето „Цени“.

3. Изберете „Неделно“ или „Месечно“. Ќе најдете предложен попуст врз основа на вашето сместување и побарувачката за слични сместувања во вашиот регион.

4. Поместете го лизгачот некаде помеѓу 0 и 99% за да го прилагодите попустот и следете како се менува вашата просечна неделна или месечна цена.

5. Изберете ја цената за гостинот подолу за да добиете анализа на цената, вклучувајќи ги сите надоместоци и вашата заработка.

6. Притиснете или кликнете на „Зачувај“ за да го поставите попустот што го сакате.

Некои домаќини бараат гости кои се заинтересирани за подолги престои. Тие споделуваат линкови за своите огласи со локални фирми или универзитети чии вработени или студенти можеби бараат привремено сместување.

„Ме интересира само [угостување] лица за подолги престои“, вели Патриша, Супердомаќин во Остин, Тексас. „Се надевам дека ќе им обезбедам дом на оние деловни патници чии работни задачи траат од еден до три месеца.“

Подолгите резервации обично значат помала стапка на промена на гостите и помалку работа, особено кога станува збор за размена на пораки со гостите и чистење на вашиот простор.

На пример, домаќините обично поминуваат помалку време во комуникација со едни гости кои престојуваат еден месец отколку со повеќе гости кои престојуваат само неколку ноќевања одеднаш.

За да бидат работите уредни, некои домаќини обезбедуваат услуги за чистење и материјали. „Нудам бесплатно неделно чистење, со чиста постелнина и нова резерва на основните работи, за да се уверам дека сѐ е во ред“, вели Омар, Супердомаќин во Мексико Сити, кој угостува семејства и лица кои работат на далечина до шест недели одеднаш.

Подолгите престои може повеќе да ви одговараат ако сте отсутни за подолги периоди. Меги, која е кодомаќин во Нортхемптон, Масачусетс, вели дека домот на нејзините родители порано бил празен кога тие ги поминувале зимите во Порторико. „Од никаква заработка, со користење на Airbnb почнавме да заработуваме 3500 долари месечно“, вели таа.

Подолгите престои, исто така, може да имаат предност во заедниците кои ги ограничуваат краткорочните изнајмувања. Погрижете се минималниот и максималниот број на ноќевања што ќе ги поставите да бидат во согласност со локалните правила и прописи.

Ако се наоѓате во регион каде што се дозволени и пократки и подолги резервации, редовно прилагодувајте ги подесувањата. Ова може да ви помогне максимално да ја искористите сезонската побарувачка во вашиот регион и да ги поттикне гостите да резервираат кои било од ноќевањата или неделите достапни помеѓу вашите месечни престои.

Информациите што ги содржи статијава може да се променети по објавувањето.