Оваа содржина не е достапна на јазикот кој го избравте, па ја направивме достапна на најблискиот достапен јазик засега.

Добијте повеќе рецензии со 5 ѕвезди

Дизајнерите за ентериер и Супердомаќините откриваат како создаваат незаборавен престој за гостите.
Од Airbnb на 26 мај 2021 г.
Четиво од 10 мин.
Ажурирано на 26 мај 2021 г.

Исклучителни одлики

  • Кажете им на гостите што да очекуваат пред да резервираат

  • Комуницирајте со гостите брзо и јасно

  • Одржувајте го сместувањето чисто, удобно и уредно

  • Каде што можете, додајте некои детали карактеристични за вашиот регион, од уметнички дела до производи за во бања

  • Пружете им го на гостите искуството што вие самите би сакале да го доживеете кога би престојувале во сместувањето

  • Дознајте повеќе во нашиот целосен водич за тоа како да го издигнете угостувањето на повисоко ниво

Кетрин и Брајан се Супердомаќини, претприемачи и дизајнери за ентериер кои го водат блогот Beginning in the middle и кои изградија бизнис околу создавањето престои кои заслужуваат 5 ѕвезди. Бидејќи угостиле над 2000 гости, ја споделуваат својата приказна заедно со стручни совети за тоа како да го направите домот незаборавен.

Кетрин: „За нас, почнувањето бизнис на Airbnb и фирма за дизајн беше среќна случајност. Во 2013 година се преселивме од Њујорк во Колумбус, Охајо – местото каде што порасна Брајан. Сакавме да имаме повеќе простор, а баравме и место каде што ќе можеме да се задомиме и да создадеме нешто наше.“

Брајан: „Купивме куќа со три спални соби и требаше да отплатиме дел од заостанат долг. Но навистина не сакавме да имаме постојан цимер.“

Кетрин: „Еден од моите пријатели познаваше некој кој ја огласуваше својата слободна спална соба на Airbnb и ни предложи и ние да го пробаме тоа. Тогаш не знаевме точно што е Airbnb. Си рековме со Брајан: „Би било супер ако имаме 10 резервирани ноќевања годинава...“

Брајан: „Го огласивме просторот и имаше огромна побарувачка. Набрзо потоа, почнавме да ја огласуваме и целата куќа. Баравме и престојувавме во различни мотели низ Колумбус додека не го најдовме оној што беше најмалку лош. Се најдовме во ситуација каде што престојувавме во мотел со недели. Ги познававме сите вработени во хотелот. Но, се разбира, не можевме да го правиме тоа на долг рок.“

Угостувањето за нас е форма на уметничко и креативно изразување.
Bryan,
Колумбус, Охајо

Кетрин: „Го отплативме долгот и купивме уште една куќа. Неколку години подоцна, преуредивме и продадовме неколку дома, а омилените си ги задржавме за да ги огласиме на Airbnb. Дадовме отказ од редовната работа, создадовме студио за дизајн на ентериери (Mix Design Collective), бренд за изнајмување места за одмор (The Village Host) и започнавме сопствен блог (Beginning in the Middle).“

Брајан: „Нам ни е важно да создадеме специјално искуство за секој наш гостин. Таа страст кон гостопримството ни овозможи да си создадеме живот што многу го сакаме. Како домаќин, ако овозможувате извонреден престој (без разлика дали имате луксузна куќа), оцените од рецензиите и стапката на пополнетост многу ќе ви се подобрат.“

1. Поставете очекувања

Кетрин: „Една од тајните за добивање рецензија со 5 ѕвезди е да им кажете на гостите што да очекуваат пред да резервираат. Нашите куќи се стари, но многу се потрудивме да ги направиме пријатни, удобни и убави. Но не се совршени и затоа се обидуваме да дадеме што е можно повеќе информации однапред. На пример, подовите крцкаат и вратите чкрипат.“

Брајан: „Бањите не се особено големи. Еден од објектите дели ѕид со соседот. Им го нагласуваме ова на луѓето за да бидат обѕирни и да внимаваат да не прават врева. НЕ е во ред да се прават забави.“

Кетрин: „Имаме стара када со ногарки која е малку повисока од стандардните кади. Ова е важно да се нагласи во случај гостите да имаат потреби за непречено движење низ домот. На некои луѓе можеби ќе им пречат ваквите необичности. На други, пак, воопшто нема да им се важни. Но се трудиме да разговараме со лицето за кое знаеме дека ќе ужива во соседството и во куќата.“

2. Одговарајте брзо

Брајан: „Брзата и јасна комуникација е важен дел од едно искуство што заслужува 5 ѕвезди. Тоа ви помага да им покажете на гостите дека постојано се грижите за нив.“

Кетрин: „Луѓето престојуваат кај вас само кратко време и тоа обично за нешто што им е важно. Затоа, не би било добро некој да помине половина од престојот чекајќи да им одговорите или да поправите нешто. Јас сум човек што обично одговара во рок од 5 минути, но ако не мислите дека ќе може да им одговорите на луѓето во разумно време, размислете да вклучите кодомаќин којшто ќе ви помага околу е-поштата и пораките. Правиме сѐ што можеме за да им покажеме дека сме тука и дека се грижиме. Понекогаш, тоа значи дека мора да прекинете што и да правите за да овозможите престој вреден 5 ѕвезди.“

Дознајте повеќе за работењето со кодомаќин

3. Нека се чувствуваат како дома

Кетрин: „Што се однесува на декорот и просторот, најважно е гостите да се чувствуваат како да се во свое место додека се таму. Одвојте време и потрудете се да го декорирате со мебел што се чини уникатен – површини и детали што добро се вклопуваат.“

Брајан: „Тоа не значи дека треба да ја преправите цела кујна со мермер или да купите сѐ што е најскапо. Мислам дека е најважно местото да биде чисто, удобно и уредно.“

Кетрин: „Гостите треба да имаат чувство како сѐ да е подготвено специјално за нив. Одвојте малку време и расфатете ги личните фотографии, семејните сувенири, дреболии и сѐ што е непотребно, сѐ што би направило гостите да се чувствуваат како да се во туѓ дом.“

Брајан: „Еден важен елемент во којшто вреди да инвестирате е креветот. Не мора душекот да биде скап. Додајте наддушек и два вида перници: од природни и од вештачки материјали.“

Кетрин: „Што се однесува на чаршафите, користиме предиво со 300 нишки на квадратен инч, како што користат многу хотели. Материјалот треба да биде пријатен за кожата, да не биде како шмиргла. Сепак, гостите го резервираат вашето место за да преспијат таму. И, како што сите знаеме, особено ако сте родители, добриот одмор е луксуз.“

4. Внесете локален дух

Кетрин: „Кога луѓето престојуваат кај вас, запомнете дека не го споделувате само домот со нив, туку и искуството што го нуди вашиот град. Кога можеме, се трудиме да оставиме личен печат. Малите бизниси се огромен дел од суштината на Колумбус, затоа ни е забавно кога сите се вклучени.“

Брајан: „Понекогаш им оставаме на гостите примероци од локални нешта што многу ги сакаме, како подарок картичка од локално кафуле за да ги поттикнеме да го истражат соседството. Шампонот, балсамот за коса и средството за миење лице ги набавуваме од локална фирма која се вика Cliff Original. Имаме природен сапун за раце од брендот Glenn Avenue. Имаме комплет книги од „Проектот за книги на Колумбус“, направени од локален претприемач што ги промовира локалните уметници. Колумбус не е некој познат град, но е одлично место за живеење, за растење и за посетување и има што да понуди.“

Кетрин: „Многу сакаме да им го покажуваме Колумбус на луѓето онака како што го гледаме самите и многу ни се допаѓа кога можеме да создадеме искуство што ќе ги натера луѓето да кажат дека сакаат да се преселат во Колумбус.“

Брајан: „Уште една идеја што ја истражуваме и сакаме да ја воведеме во заедницата на Колумбус е да ги искористиме домовите како уметничка галерија или клуб за организирање вечери за да ги покажеме делата на локални уметници кои инаку можеби не би имале шанса да ја претстават својата работа. Сакаме да изложиме по неколку дела во секоја куќа и да ги ротираме на неколку месеци. Бидете креативни и размислете како вашиот дом може да го одрази локалниот дух.“

5. Подгответе се за непредвидливи ситуации

Брајан: „И покрај вашите најдобри намери и напори да создадете врвно доживување, знајте дека ќе се појават итни случаи и ќе треба да ги решите, без разлика дали се работи за расипан клима уред или гостите се разочарани од нешто. Една од најлошите ситуации што сме ги имале беше кога пукна цевка. Куќата се поплави за време на престојот на гостите. Постојано ни ѕвонеле...“

Кетрин: „... но телефонот ми се имаше исклучено.“

Брајан: „... ова се случуваше на нивната прва брачна ноќ.“

Кетрин: „Беше многу лошо. Научивме навистина многу од ова искуство. Кога ќе се случи такво нешто, извинете се и проценете дали гостите треба да добијат надоместок или подарок како колачиња, шише вино или подарок картичка за вечера. Ако гостите навистина си поминале ужасно, тогаш им ги враќаме парите, но тоа се случува многу ретко.“

Брајан: „Се обидуваме да се држиме до златното правило – да овозможиме нашите гости да го искусат она што ние би сакале да го искусиме кога би престојувале во своето сместување. Угостувањето за нас е форма на уметничко и креативно изразување. Ние го вложуваме целиот наш труд во овие сместувања, а потоа ги отвораме вратите на гостите за тие да можат да уживаат во нив. Многу ни значи кога ќе ја почувствуваме благодарноста од нашите гости.“

Кетрин: „Добивањето рецензија со 5 ѕвезди е само потврда дека се цени тоа што го правиме. Кога реновирате, се надевате дека гостите ќе го ценат тој дополнителен труд. И мислам дека ако сте фокусирани само на бројките од инвестициите во недвижностите, тогаш е лесно да отфрлите некои од овие дополнителни детали.“

Брајан: „Угостувањето не е лесно. Потребно е многу работа.“

Кетрин: „Но беше и корисно искуство што ни го промени животот. Ни овозможи да се стремиме кон исполнување на нашата страст за дизајн на ентериери и да откриеме колку го сакаме гостопримството. Ни даде можност да започнеме свој бизнис и постојано да се развиваме. Ако не беше Airbnb, мислам дека ќе ни беше многу потешко да тргнеме по својот пат и да се снајдеме во светот на сопственици на мали бизниси. Ова ни помогна да си ја најдеме својата специјалност, а тоа е дека многу сакаме да преуредуваме простори во кои ќе уживаат други луѓе.“

Брајан: „Успеавме да го искористиме нашиот претприемачки дух и да ја спроведеме нашата креативност. Нема подобар исход од тоа да го работите она што најмногу го сакате, и тоа за себе.“

Кетрин: „Се надеваме дека овие совети ќе ви помогнат да добиете уште повеќе рецензии со 5 ѕвезди.“

Уживајте во угостувањето!
Кетрин, Брајан и Бјанка

Исклучителни одлики

  • Кажете им на гостите што да очекуваат пред да резервираат

  • Комуницирајте со гостите брзо и јасно

  • Одржувајте го сместувањето чисто, удобно и уредно

  • Каде што можете, додајте некои детали карактеристични за вашиот регион, од уметнички дела до производи за во бања

  • Пружете им го на гостите искуството што вие самите би сакале да го доживеете кога би престојувале во сместувањето

  • Дознајте повеќе во нашиот целосен водич за тоа како да го издигнете угостувањето на повисоко ниво
Airbnb
26 мај 2021 г.
Дали ова беше корисно?