Одете напред за да пристапите до предложените резултати

    Како да се справите со потенцијалните предизвици при угостувањето

    Дознајте како да ги предвидите и брзо да се справите со предизвиците поврзани со угостувањето.
    Од Airbnb на 11 дек. 2019 г.
    Четиво од 3 мин.
    Ажурирано на 13 септ. 2021 г.

    Исклучителни одлики

    • Имајте при рака податоци за контакт од водоводџија, електричар и кодомаќин за полесно да ги решите проблемите

    • Рутинското одржување помага вашиот простор да биде во одлична состојба

    • Отворената комуникација и емпатијата може да ви помогнат да ги спречите проблемите и да ја контролирате ситуацијата кога тие ќе се случат

    И покрај вашиот труд, понекогаш едноставно настануваат проблеми. Можеби гостинот не може да го најде клучот што сте му го оставиле или се затнал водоводот. Иако е ретко да се случи некој голем проблем, успешните домаќини се подготвуваат за неочекувани ситуации.

    Еве како Дајана, Супердомаќин од Оукленд, Калифорнија, препорачува да се справите со предизвиците при угостувањето.

    1. Соберете тим за поддршка

    Угостувањето е поврзано со заедницата, а таа заедница ги вклучува луѓето кои му помагаат на вашиот бизнис за угостување непречено да функционира.

    „Имаме имиња и броеви на водоводџија, електричар и лице кое чисти куќи“, вели Дајана. А кога таа е надвор од градот, Дајана има сестра која е подготвена да ја замени како домаќин. „Никогаш не се наоѓаме во безизлезна ситуација ако се појави некој проблем.“

    Имаме имиња и броеви на водоводџија, електричар и лице кое чисти куќи.
    Diana,
    Оукленд, Калифорнија

    2. Извршувајте рутинско одржување

    Што е подобро од тоа да бидете подготвени брзо да се справите со цевка која протекува или расипана греалка? Да се спречи проблемот уште пред да се случи.

    „Имам листа на барања за одржување што ја разгледувам секоја година“, вели Дајана. „Некои од овие задачи ги извршувам сама, а за други ангажирам професионалци. Секој простор е различен, но важно е да одредите што е потребно за да го одржите вашето сместување во одлична состојба за гостите.“

    Годишната листа на барања за одржување на Дајана вклучува:

    • Чистење на олуците од лисја и други остатоци.
    • Проверка дали сите уреди за греење, вентилација и климатизација функционираат.
    • Миење тешко достапни прозорци на кровот за нејзиниот простор да биде добро осветлен.

    3. Комуникацијата нека ви биде приоритет

    За ефикасна комуникација со гостите важно е да бидете искрени и реални.

    „Мислам дека е многу важно да не се претерува со ветувањата, туку секогаш многу да се комуницира“, вели Дајана. „Дури и да немам најдено решение, го известувам гостинот што правам за да најдам некое.“

    Кога пукнала цевка непосредно пред да дојде гостинот, Дајана веднаш го зела телефонот.

    „Му се јавив на гостинот и му кажав дека се справуваме со ситуацијата и го прашав дали може да го поместиме времето на пријавување“, вели Дајана. „Исто така, на гостинот му понудив и подоцно одјавување. Тоа многу му се допадна, а му и оставив шише вино и порака за да му се заблагодарам. На многу гости, отворената комуникација и малите знаци на благодарност многу им значат, без разлика дали станува збор за вино или подарок картичка во локална кафетерија.“

    Мислам дека е многу важно да не се претерува со ветувањата, туку секогаш многу да се комуницира.
    Diana,
    Оукленд, Калифорнија

    4. Слушајте и покажувајте емпатија

    „Имаме навистина комплицирани врати кои гостите често не знаат како да ги отворат, иако вклучив инструкции во упатството за користење на куќата и во инструкциите за пријавување“, вели Дајана. „Кога ова ќе се случи, секогаш ги слушам нивните лути коментари, а потоа трпеливо разговарам со нив преку телефон или во живо.“

    Неколку работи кои Дајана ги научила од слушањето на своите гости низ годините:

    • Обезбедете влез без клуч за да го олесните пријавувањето.
    • Обезбедете доволно надворешно осветлување за да им помогнете на гостите безбедно да пристигнат кога е темно.
    • Однапред побарајте информации за патувањето и повторно нагласете го времето за пријавување и одјавување.
    Не можам доволно да нагласам колку е важно да се слуша, да се има разбирање и да се биде човек.
    Diana,
    Оукленд, Калифорнија

    5. Предвидете ги вообичаените проблеми

    Раното пристигнување на гостите, доцното одјавување и проблемите со чистењето може да претставуваат предизвици. Еве неколку идеи за ублажување на потенцијалните проблеми:

    • Наведете јасно време на пријавување и одјавување и вашето образложение за нив („Ве молиме пријавете се по 15:00 ч. за лицата задолжени за чистење да имаат доволно време да ја подготват вашата соба“).
    • Поставете ги вашите претпочитани подесувања за резервации за да оставите повеќе време за чистење.
    • Размислете да понудите да го чувате багажот на гостите ако знаете дека ќе пристигнат порано.
    • Вклучете клучни детали (како да се влезе во сместувањето, како изгледа вашиот простор итн.) во описот на огласот и инструкции за пријавување што ќе ви помогнат да ги поставите очекувањата.
    • Обезбедете упатство за користење на куќата кое содржи инструкции за пристап до wifi-мрежата и користење на комплицирани апарати.

    Со предвидување на предизвиците пред да се појават, вие сте еден чекор поблиску до создавање одлично искуство за гостите.

    Дајана не е вработена во Airbnb, ниту пак работи под водство на Airbnb. Како домаќин и автор, таа се здружи со Airbnb за да ги преточи своите мисли на хартија и да го создаде ова видео. Сите мислења, анегдоти или изјави се веродостојни, нејзини и не се официјални изјави на Airbnb.

    Исклучителни одлики

    • Имајте при рака податоци за контакт од водоводџија, електричар и кодомаќин за полесно да ги решите проблемите

    • Рутинското одржување помага вашиот простор да биде во одлична состојба

    • Отворената комуникација и емпатијата може да ви помогнат да ги спречите проблемите и да ја контролирате ситуацијата кога тие ќе се случат

    Airbnb
    11 дек. 2019 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми