Одговарајте побрзо во јазичето „Пораки“

Брзото одговарање на гостите може да доведе до повеќе резервации, подобри рецензии и повисоко рангирање во резултатите од пребарувањето. Најновите надградби на пораките овозможуваат полесно да се одговара побрзо.

Гостите добиваат одговори на вообичаените прашања генерирани од вештачка интелигенција со детали извлечени од страницата со вашиот оглас. Ова вклучува информации од удобностите, описот за сместувањето и упатството за користење на куќата.

Во секој автоматски одговор, Airbnb е наведен како испраќач, а и вие и вашите гости може да го видите тоа. Можете да го избришете одговорот и да испратите друг одговор во секое време.

На пример, ако гостинот праша за паркинг, автоматскиот одговор може да биде: „Овој дом нуди бесплатен паркинг на улица и бесплатен паркинг на имотот. Проверете ги овие детали во делот „Удобности“.“

Јазичето „Пораки“ користи вештачка интелигенција за да предложи дејства врз основа на пораките на гостите. Секој предлог вклучува интерактивна картичка која ви овозможува да започнете со важни задачи, како што се промена на резервациите и испраќање специјални понуди, без да го напуштите разговорот.

На пример, ако гостинот праша дали може да се пријави еден ден порано, во разговорот ќе видите предлог за промена на резервацијата. Притиснете на картичката за да ги промените датумите и да му испратите барање на гостинот за да го прегледа новиот план за патувањето.

Пораките за кои времето е од суштинско значење се појавуваат на почетокот од вашата пошта. Новите ознаки ги истакнуваат работите за кои итно е потребно вашето внимание, како што се прашањата за резервации од гостите и барањата за помош при пријавувањето.

Барате конкретен разговор? Сѐ уште може да пребарувате пораки според имиња, зборови или фрази. Резултатите ги земаат предвид сите филтри што сте ги примениле и ви помагаат побрзо да ги најдете разговорите.

Надградбите за пораките се воведуваат во текот на следните месеци.

Информациите што ги содржи статијава може да се променети по објавувањето.