Соодветна цена за секоја сезона

Прилагодувањето на цените и достапноста може да ви помогне да привлечете резервации и да заработите повеќе. Овие нови подесувања ви овозможуваат да ги менувате цените според сезоната, да ги пополнувате празнините во календарот во последен момент и да ги разгледувате барањата за резервации надвор од вашиот период на достапност.

Прилагодувањето на цените за сезоните со висока и ниска побарувачка може да ви помогне да останете конкурентни. Ќе ја анализираме побарувачката во вашиот регион и ќе ви предложиме да одредите цени според сезоната што може да ви помогнат да ги зголемите резервациите и заработката. Еве што ќе биде достапно од јули.

• Одредување цени во текот на годината: менувајте ја основната цена по месеци за да се прилагодите на сезонските промени во побарувачката.
• Прилагодување за викенд: променете ги цените за викенд за одреден процент, на пример +15%, за лесно да ги ажурирате во текот на различните сезони.

Нашите предложени цени се засноваат на побарувачката за слични огласи во вашиот регион и на фактори како што се локацијата и удобностите на вашето сместување. Секогаш може да ги споредите цените на слични огласи во близина на мапата и да ги уредите нашите предложени цени пред да направите какви било промени.

Може да ги прилагодите достапноста и цените за резервации во последен момент за да останете конкурентни како што се приближуваат датумите за нерезервирани ноќевања. Ќе ви предложиме начини како вашиот оглас да се појави во повеќе резултати од пребарувањето и да го зголемите бројот на резервации. Еве што ќе биде достапно од август.

• Минимален број на ноќевања за резервации во последен момент: дозволете пократки престои за нерезервирани ноќевања во рок од 2 седмици од датумот на пристигнување.
• Попусти за резервации во последен момент: постепено зголемувајте ги попустите за резервации во последен момент за гостите кои резервираат 8 – 14 дена, 2 – 7 дена и 0 – 1 ден пред пристигнувањето.

Може да ги примените минималниот број на ноќевања и попустите што ги предлагаме или да изберете свои.

Ако ја користите функцијата „Инстант резервација“, отсега може да ги прегледувате барањата за резервации надвор од вашиот период на достапност. Ова може да ви помогне да заработите повеќе со рачно прифаќање резервации за подалечни датуми.

• Продолжена достапност: гостите можат да ги најдат огласите во резултатите од пребарувањето за датуми надвор од периодот на достапност и да испраќаат барања за резервации за да ги прегледате во рок од 24 часа.
• Подесувања за резервации: задржете ги истите подесувања за „Инстант резервација“ за гостите и понатаму да можат веднаш да го резервираат вашето место на датуми во рамките на вашиот период на достапност.

Може да се откажете од продолжената достапност во секое време со ажурирање на подесувањата за достапност.

Цените се во американски долари. Корисничкото искуство може да варира врз основа на локацијата.

Контролата врз цените и другите подесувања е постојано во ваши раце. Вашите резултати може да се разликуваат.

Информациите што ги содржи статијава може да се променети по објавувањето.