Контролирајте кога и како угостувате

Можете да угостувате со полно работно време, сезонски или само додека патувате. Airbnb апликацијата го олеснува управувањето со вашиот распоред за угостување. Со вградените алатки, може да ги контролирате достапноста, претпочитаните подесувања за резервации и куќниот ред.

Користете го календарот за да ја одредите и прилагодите својата достапност.

• Додајте ги датумите. Отворете го календарот за следните 3, 6, 9, 12 или 24 месеци или наведете на кои датуми сакате да угостувате. Ќе ги видите големите настани и празници директно во вашиот календар.
• Одредете го времето за подготовка. Изберете колку време однапред сакате да бидете известени пред да пристигнат гостите. Дозволете резервации за истиот ден или побарајте известување 1, 2, 3 или 7 дена претходно ако претпочитате да имате повеќе време.
• Поставете ја должината на патувањата. Наведете го минималниот или максималниот број на ноќевања за кои гостите ќе можат да престојуваат. На пример, може да побарате минимален престој од 2 ноќевања.

Може да го приспособите календарот со неколку едноставни подесувања.

• Додајте максимален број на гости. Одредете колку гости можат удобно да престојуваат во вашето сместување.
• Изберете начин на кој гостите ќе резервираат. „Инстант резервацијата“ им овозможува на гостите кои ги исполнуваат вашите барања и го прифаќаат вашиот куќен ред веднаш да ги резервираат достапните датуми. Ако претпочитате да ги прегледувате барањата поединечно, може да ја исклучите „Инстант резервацијата“.
• Изберете време за пријавување и одјавување. Вие одлучувате колку рано можат да пристигнат гостите и колку доцна можат да заминат.

Сите гости кои резервираат мора да имаат потврден идентитет за да го користат Airbnb. Можете да го видите профилот на секој гостин пред да пристигне.

Куќниот ред им кажува на гостите што се очекува од нив пред да се пријават.

• Изберете го куќниот ред. Изберете од правилата што се однесуваат на пушење, домашни миленичиња, настани, време за одмор, максималниот број на гости, времето на пријавување и одјавување и фотографирањето или снимањето за комерцијални цели.
• Додајте дополнителни правила. Може да напишете барања за сѐ што е специфично за вашиот простор, сѐ додека се разумни и во согласност со правилата на Airbnb.

Ако гостинот ги прекрши вашите правила, контактирајте со тимот за поддршка на Airbnb. Со јасен куќен ред и соодветни подесувања, може да угостувате без грижи.

Информациите што ги содржи статијава може да се променети по објавувањето.