Потврдете ја автентичноста на вашата кредитна или дебитна картичка кога вршите плаќање

Во некои случаи, банката ќе мора да провери дали навистина вршите онлајн плаќање со кредитната или дебитната картичка. Овој процес на проверка го користи системот за автентикација 3-D Secure (3DS). Како и повеќето онлајн трговци, Airbnb создаде процес за наплата кој им овозможува на банките да вршат 3DS автентикација ако сакаат, а ова се појавува на екранот како „Потврдете ја картичката“ откако ќе го изберете копчето „Потврдете и платете“.

Што е потребно за да се потврди автентичноста на вашата картичка

Проверете дали сте ги ажурирале подесувањата за безбедност при плаќање кај давателот на кредитната картичка или во банката, така што овој чекор за автентикација ќе се одвива на начин што најмногу ќе ви одговара. Дополнително, проверете дали податоците за контакт со давателот на кредитната картичка или банката се ажурирани.

Како функционира проверката на автентичноста на вашата картичка

1. Airbnb го користи системот 3DS за да контактира со банката што ја издала вашата картичка за да провери дали сака да го потврди плаќањето.
2. Ако банката бара проверка на автентичноста, ќе ви испрати барање за автентикација што Airbnb ќе го прикаже за да го пополните. Ова ќе се појави кога ќе стигнете до „Потврдете ја картичката“ при процесот за наплата.
3. Airbnb не знае и не контролира каков вид на потврда ќе прикаже банката и тој може да се разликува во зависност од можностите на банката.
4. Откако ќе го пополните барањето според упатствата на банката во скок-прозорецот „Потврдете ја картичката“, Airbnb ќе се обиде да изврши наплата од картичката.
5. Ако не успеете или излезете од барањето за автентикација „Потврдете ја картичката“, банката нема да дозволи наплата од картичката и обидот за плаќање ќе биде неуспешен.

Кога е потребна автентикација на вашата кредитна или дебитна картичка

Банките и трговците низ целиот свет може да користат 3DS за безбедност на сопствениците на картичките.

Во Европа, процесот наречен Strong Customer Authentication или SCA (засилена автентикација на клиентот) им овозможува на банките да ги потврдат онлајн плаќањата што ги прават нивните клиенти, а SCA го користи системот 3DS. Ова значи дека банките во многу европски земји ќе користат 3DS за повеќето онлајн плаќања што се обработуваат во Европа.

Намената на засилената автентикација на клиентот е да се спречи неовластено користење на вашата картичка преку потврда дека вие го вршите плаќањето.

Потврдете ја автентичноста со вашиот уред

Може да видите и друг процес во кој од вас се бара да го користите вашиот уред за да го потврдите плаќањето, така што ќе ги преземете истите чекори што обично ги користите за да го отклучите уредот (на пр.: препознавање на лицето, отпечаток од прст или лозинка на уредот). Овој начин не е задолжителен.

Во оваа верзија на процесот „Потврдете ја картичката“, може да добиете порака дека „Google Chrome се обидува да го потврди вашиот идентитет на adyen.com“ и тоа е очекувано.

Ако користите уред за да ја потврдите картичката, Airbnb или кои било партнери нема да ги собираат вашите биометриски податоци, како што се слики од лицето и отпечатокот од прстот или лозинката на вашиот уред. Всушност, таквите информации никогаш нема да излезат од вашиот телефон или уред во овој процес на автентикација.

Ако не можете да ја довршите автентикацијата

Ако не добивате пораки со еднократна лозинка од банката при потврдување на картичката или на друг начин не можете да го пополните барањето од вашата банка:

1. Потврдете ги подесувањата за автентикација при плаќање и информациите за контакт со давателот на кредитната картичка или банката.
2. Ако подесувањата за безбедност на банката се чинат точни, но понатамошните обиди за плаќање сѐ уште не се успешни, размислете да пробате со друг начин на плаќање.