Незаконски и забранети активности

Airbnb не дозволува нелегални активности и други видови однесувања што би можеле да ѝ наштетат на нашата заедница.

Што дозволуваме

• Поседување и лична консумација на канабис: на локации каде што е легално и не крши никакви правила од куќниот ред, возрасните лица може да консумираат канабис.
• Одгледување канабис: кога е законски дозволено и во границите на локалното место, може да се случи некој домаќин на својот имот да одгледува и преработува канабис или коноп, ако тоа го има однапред откриено.

Што не дозволуваме

• Сексуална експлоатација на деца: забрането е принудување, манипулирање или примамување на лице помладо од 18 години, без оглед на локалните закони, да се вклучи во сексуална активност во живо или онлајн. Дознајте повеќе.
• Трговија со луѓе: не е дозволено регрутирање, криење, превезување, пренесување или пречекување на лице со сила, измама или присила со цел да работи или да биде предмет на сексуална експлоатација. Дознајте повеќе.
• Комерцијална сексуална работа: сместувањето, доживувањето или околниот имот не треба да се користат за платени сексуални услуги, како што се еротски масажи или проституција.
• Овозможување сексуална работа: гостите не треба да бараат, а домаќините не треба да промовираат или нудат платени сексуални услуги.
• Комерцијална порнографија: сместувањето, доживувањето или околниот имот не треба да се користат за создавање комерцијална порнографија, фотографии или видеа.
• Нелегални дроги: нелегалните или ограничените дроги како што се опиум, опијати, опиоиди, кока и кокаин, стимуланси од типот на амфетамин, депресанти за централниот нервен систем и халуциногени не треба да бидат присутни или користени при престој во сместување, на доживување или во околниот имот, освен ако не е пропишано од лекар поради здравствени причини.
• Производство на дрога: сместувањето, доживувањето или околниот имот не треба да се користат за производство на нелегална дрога од суровини и/или растенија.
• Одгледување дрога: сместувањето, доживувањето или околниот имот не треба да се користат за одгледување растенија од кои се рафинираат нелегални дроги, со исклучок на канабисот.
• Дистрибуција на дрога: сместувањето, доживувањето или околниот имот не треба да се користат за продажба, подарување, трговија или дистрибуција на дрога, вклучувајќи го и канабисот, дури и ако тоа е легално во вашиот регион.

Тука сме да помогнеме

Ако вие или некој друг се чувствувате загрозено или небезбедно или се сомневате во сексуална експлоатација на деца или трговија со луѓе, прво контактирајте со локалните надлежни органи за помош. Освен тоа, ако посведочите или доживеете однесување што е спротивно на нашите правила, известете нѐ.