Борба против омраза, вознемирување и дискриминација

Сакаме домаќините и гостите да искусат престои и доживувања без никакво вознемирување и дискриминација.

Што не дозволуваме

• Малтретирање и вознемирување: никој не треба да подлежи на несакано однесување, како малтретирање, малтретирање преку интернет, вознемирување или демнење.
• Одбивање да се изврши услуга поради дискриминација: домаќините не смеат да одбијат извршување на услуга за гостинот бидејќи тој припаѓа на одредена група или категорија, како раса или религија, како што е објаснето во нашата „Политика против дискриминација“.
• Поинаков третман поради дискриминација: домаќините не треба различно да ги третираат гостите или, пак, да применуваат различни правила или однесување за одредени гости бидејќи гостинот е член на заштитена класа.
• Опасен говор: никој не треба да подлежи на говор кој повикува на повреда, дехуманизира или тврди дека некое лице претставува закана или физичка опасност за другите бидејќи тоа лице припаѓа на заштитена класа.
• Навреди, говор на омраза или погрден јазик: никој не треба да подлежи на јазик кој содржи предрасуди во однос на членството на друго лице во заштитена класа, како изразување презир, згрозеност или физички, ментални или морални недостатоци.
• Користење на поранешното име на трансродово лице или погрешни заменки за родот: лицата кои се идентификуваат како трансродови не треба да се именуваат со името што го носеле претходно, ниту со заменките што ги користеле пред својата транзиција, ако ги информираат другите лица дека користат друго име и заменки по транзицијата.
• Шифриран јазик или микроагресија: никој не треба да биде мета на фрази кои се длабоко вкоренети општествени стереотипи засновани на членство во заштитена класа.
• Слики, симболи или предмети полни со омраза, дискриминација или навреди: никој не треба да подлежи на слики кои омаловажуваат некоја религија или култура, слики кои содржат погрден/шифриран јазик или симболи, логоа и слогани поврзани со екстремистички или групи што шират омраза.

Тука сме да помогнеме

Ако посведочите или доживеете однесување што е спротивно на нашите правила, известете нѐ.