Процес за потемелно чистење во 5 чекора на Airbnb

Процесот за чистење во 5 чекора е збир на практики за чистење што треба сите домаќини да ги почитуваат помеѓу секој престој на гостите, покрај локалните закони и упатства.

Деталите кои се однесуваат на најдобриот начин за чистење може да се најдат во прирачникот за чистење на Airbnb кој вклучува сеопфатни листи на барања за чистење.

Исто така, покрај прирачникот, може да најдете и совети, видеа и друго со тоа што ќе отидете на „Сознанија > Чистење“ од вашата сметка на домаќин на веб-прелистувач.

Чекор 1: Подгответе

Соодветната подготовка може да ви помогне вам и на вашиот тим да чистите поефикасно и побезбедно. Погрижете се:

• да го проветрувате просторот пред и за време на чистењето, кога е можно
• да користите средства за дезинфекција одобрени од локалните регулаторни агенции за користење против COVID-19
• секогаш внимателно да ги читате упатстватата и предупредувањата на производите за чистење
• да си ги измиете или дезинфицирате рацете

Чекор 2: Исчистете

Чистење е отстранување на прашината и нечистотијата од површините, како што се подовите и работните површини. Погрижете се:

• да сметете со метла или правосмукалка и/или да ги исчистите површините со џогер пред да дезинфицирате
• да ги измиете садовите и да ги исперете сите ткаенини на највисоката можна температура
• да ги избришете тврдите површини со сапун и вода

Чекор 3: Дезинфицирајте

Дезинфекција е кога користите хемиски средства за да се намалат бактериите на површините како што се кваките за врати и далечинските управувачи за телевизори. Не заборавајте:

• да ги испрскате површините што најчесто се допираат во секоја соба со одобрен спреј за дезинфекција
• да го оставите средството за дезинфекција да постои колку што е наведено на етикетата на производот
• да ја оставите површината да се исуши

Чекор 4: Проверете

Откако ќе завршите со дезинфицирањето, добро би било да се осигурате дека ништо не сте пропуштиле. Не заборавајте:

• да ги разгледате најдобрите практики во листите на барања за секоја соба одделно во вашиот прирачник за да бидете сигурни дека не сте пропуштиле некое место
• да ги споделите овие најдобри практики со својот тим за угостување и со професионалците за чистење

Чекор 5: Одново поставете

За да спречите вкрстена контаминација, важно е да завршите со чистење и дезинфекција на просторијата пред одново да ги наместите предметите за следниот гостин:

• да си ги измиете рацете пред ставањето нови залихи, постелнина или прибор за чистење за гостите
• безбедно да ги фрлите или измиете материјалите за чистење и заштитната опрема
• да не влегувате во просторијата откако ќе ја дезинфицирате
• да ја исчистите опремата после секој гостин

Задолжително за сите домаќини

На домаќините кои нема да се согласат со нашите безбедносни практики во врска со COVID-19, вклучувајќи го и процесот за потемелно чистење во 5 чекора, нема да им биде дозволено да угостуваат.

Овие практики, исто така, бараат носење маска и социјално дистанцирање кога тоа се бара од локалните закони или упатства.

Домаќините кои постојано или сериозно ги прекршуваат стандардите за чистење може да бидат предмет на предупредувања, суспензии и, во некои случаи, може да им бидат отстранети сметките од Airbnb.