Прескокни на содржина
    Одете напред за да пристапите до предложените резултати
    Основни информации за Airbnb

    Континентална Кина: непредвидени околности во врска со COVID-19

    Ажурирано на 25 јуни 2020 г.

    Во оваа статија се објаснети покриеноста и барањата за откажувањата поврзани со COVID-19 според „Полисата за непредвидени околности“ за резервации направени од гости од континентална Кина за сместувања и доживувања на Airbnb во континентална Кина. Ако резервацијата веќе започнала (пријавувањето е поминато), оваа непредвидена околност не важи. За сите резервации, освен за домашните резервации во континентална Кина, погледнете ја нашата глобална статија за непредвидени околности за COVID-19 за детали околу покриеноста. За да откажете според полисата, ќе треба да обезбедите документација за непредвидената околност.

    Кои резервации се покриени

    Полисата важи за резервации направени од гости од континентална Кина за сместувања и Airbnb доживувања во континентална Кина. Со тоа, резервацијата може да се откаже ако сѐ од следново е точно:

    • Има официјален совет или ограничување за патување од владата што ве спречува да отпатувате од појдовната локација или до дестинацијата и
    • направена е на или пред датумот на објавување на советот или ограничувањето и
    • датумот на пријавување не е на повеќе од 30 дена од датумот на откажување

    Полисата не важи за резервации кои се веќе откажани:

    • пред датумот на применливите владини соопштенија или
    • врз основа на заемен договор помеѓу домаќинот и гостинот

    Да го разгледаме примерот на жариштето на COVID-19 во Пекинг во јуни 2020 г. На 13 јуни 2020 г., Народната влада на општина Пекинг и одделот за контрола на болести соопштија дека нивото на ризик во одредени области на Пекинг се зголеми на средно или високо. Во овој пример, полисата не важи за откажувањата направени пред 13 јуни 2020 г., ниту за резервациите направени по тој датум.

    Потребна документација

    Ако вашата резервација ги исполнува условите, контактирајте нѐ во рок од 14 дена од датумот на откажувањето. Ќе побараме да доставите документација која ја одразува причината поради која не можете да патувате или да примате гости. Ќе ја разгледаме документацијата и ќе ве контактираме. Може да има доцнење, со оглед на моменталната ситуација со COVID-19.

    Документација за засегнати лица

    За гости или домаќини на сместувања и доживувања на Airbnb:

    • Ако регионот во којшто живеете е обележан како регион со среден или висок ризик од COVID-19 од надлежните органи или ако апликацијата за здравје на вашиот уред покажува црвена или жолта боја, треба да приложите слика од екранот од апликацијата, официјално соопштение за проценка на ризикот во регионот со доказ дека живеете таму и/или доказ за вашата локација, како на пример слика од екранот на апликацијата со мапи
    • Ако ви бил дијагностициран COVID-19, се сомневате дека имате COVID-19 или сте ставени под карантин поради COVID-19, треба да обезбедите соодветен медицински доказ или документација дадена од надлежните органи

    Документација за ограничувања во регионот

    Ако патувањето во регионот каде што се наоѓа сместувањето или се одвива Airbnb доживувањето е ограничено поради COVID-19, домаќинот треба да обезбеди документација за локацијата на сместувањето или Airbnb доживувањето. Во тоа спаѓаат:

    • Наредба за карантин од локалните власти
    • Официјални ограничувања за патување или други барања поврзани со COVID-19 од страна на локалните власти
    • Соопштение или известување за ограничување на влез или излез во зградата или просторот

    Документација за други околности поврзани со COVID-19

    • Доказ дека вашиот лет или копнен превоз е откажан од страна на давателот на услуги за превоз поради COVID-19 или релевантни јавни политики
    • Работна значка или соодветна документација обезбедена од работодавачот со којашто се покажува дека имате медицински должности или должности за контрола на болести поврзани со COVID-19

    Како функционира

    Ако сте гостин, може да ги прегледате правилата за откажување на резервацијата и да ги најдете опциите за откажување со избирање на вашето патување од страницата „Патувања“. Ако вашата резервација не е покриена, правилата за откажување на домаќинот ќе важат како и обично.

    Ако сте домаќин, ќе најдете информации во контролната табла за угостување.

    Ве охрабруваме да контактирате со домаќинот или гостинот за да разговарате за откажување и враќање на парите.

    Повеќе информации

    Во „Центарот за информации“ издвоивме статии за да ѝ помогнеме на нашата заедница во овој период. Може да ги најдете најновите информации околу нашата реакција на COVID-19, од ажурирање на правилата до информации за домаќини и гости.

    Може да ја прочитате и „Полисата за непредвидени околности“ за да дознаете повеќе за покриеноста на околностите што не се поврзани со COVID-19.

    Бараме од сите членови на заедницата да се однесуваат со почит, да не исклучуваат никого и да ја имаат предвид нашата „Политика против дискриминација“ кога комуницираат со другите членови на нашата заедница.

    Ќе продолжиме да ја прегледуваме примената на оваа политика. Следете ја страницава за ажурирања и нови информации.

    Поврзани статии
    Ја добивте помошта што ви беше потребна?

    Најавете се за персонализирана поддршка

    Добијте помош околу резервациите, сметката и друго.
    Регистрирајте се
    Не можете да го најдете тоа што ви треба?
    Изберете вид на корисник за да најдете помош според потребите.