Прескокни на содржина
    Одете напред за да пристапите до предложените резултати
    Основни информации за Airbnb

    Што треба да знам за заштита од пожар и јаглерод моноксид кога патувам?

    Безбедноста и сигурноста се неопходни во секој дом. Ги охрабруваме домаќините да постават детектори за чад и јаглерод моноксид (CO) во просторот, но исто така е важно и гостите да бидат свесни и да преземаат мерки на претпазливост секогаш кога патуваат и без разлика како патуваат.

    Кога резервирате место на Airbnb, разгледајте ги информациите во врска со тоа дали домаќинот пријавил детектори за чад и јаглерод моноксид на имотот. Овие детали ќе ги најдете на страницата на огласот под „Удобности“.

    Детекторите за јаглерод моноксид не се вообичаени во многу делови на светот, затоа ви предлагаме да си купите и да го носите со себе кога патувате, особено ако нема наведено дека има во местото каде што ќе престојувате. Еве еден пример за пренослив детектор за јаглерод моноксид.

    Безбедносни информации од „Американскиот црвен крст“

    Јаглеродниот моноксид (CO) е невидлив гас, без боја и без мирис. Се создава кога горивата (како што се бензин, дрво, јаглен, природен гас, пропан, нафта и метан) не согоруваат целосно. Може да се создаде од апаратите за домаќинство во домот, вклучувајќи фурни, печки, бојлери и греалки, а високите нивоа на јаглероден моноксид може да бидат фатални. Што може да сторите:

    • Никогаш не користете генератор, скара, шпорет за кампување или други уреди на бензин, пропан, природен гас или јаглен во домот, гаражата, подрумот, ниската визба или во која било делумно затворена област.
    • Чувајте ги овие уреди на отворено, подалеку од вратите, прозорците и отворите за вентилација што би можеле да дозволат јаглеродниот моноксид да влезе внатре.
    • Отворањето на вратите и прозорците или употребата на вентилатори нема да го спречи создавањето на јаглерод моноксид во домот. Иако јаглерод моноксидот не може да се види и помириса, може брзо да доведе до целосно онеспособување и смрт. Дури и ако не може да ги помирисате издувните гасови, сепак може да бидете изложени на јаглерод моноксид. Ако почнете да чувствуват гадење, вртоглавица или слабост додека користите генератор, веднаш излезете на свеж воздух – не одложувајте.
    • Алармите за јаглерод моноксид* треба да се инсталираат на централни локации на секое ниво од домот и надвор од просторот за спиење за да се овозможи рано предупредување за насобирање на јаглерод моноксид.
    • Батериите треба често да се тестираат и да се заменат кога е потребно.
    • Ако се огласи аларм за јаглерод моноксид, бргу отидете на некое место на свеж воздух надвор или покрај отворен прозорец или влезна врата. Никогаш не игнорирајте го алармот за јаглерод моноксид; гасот е смртоносен и треба да излезете на свеж воздух. За помош, јавете се кај локалните служби за итни случаи од местото на свеж воздух и останете таму сѐ додека не пристигне персоналот за итни случаи за да ви помогне.

    За повеќе информации, одете на www.redcross.org/homefires.

    * Со цел комуникација со глобалната публика, Airbnb често ги користи поимите „аларм“ и „детектор“ како синоними.

    Името на „Американскиот црвен крст“, амблемот и неговите материјали заштитени со авторски права се користат со негова дозвола. Сепак, користењето на овие материјали не претставува никаква директна или индиректна поддршка за кој било производ, услуга, фирма, мислење или политички став. Логото на „Американскиот црвен крст“ е регистрирана трговска марка во сопственост на „Американскиот национален црвен крст“. За повеќе информации околу „Американскиот црвен крст“, одете на redcross.org.

    Ја добивте помошта што ви беше потребна?
    Не можете да го најдете тоа што ви треба?
    Изберете вид на корисник за да најдете помош според потребите.