Одете напред за да пристапите до предложените резултати

    Кои совети за безбедност ќе им бидат од корист на домаќините на сместувања?

    Угостувањето лица во сместување носи одредени одговорности. Еве некои материјали коишто ќе ви помогнат во текот на процесот.

    Бидете внимателни кога комуницирате

    Секогаш плаќајте и комуницирајте преку Airbnb. Користете го системот за пораки на Airbnb за да ги запознаете гостите и да споделите со нив какви очекувања имате за патувањето или во однос на вашиот простор.

    Разгледувајте ги профилите и читајте ги рецензиите за потенцијалните гости и барајте потврдени телефонски броеви, поврзани социјални мрежи и препораки. Ако потенцијалните гости не направиле никакви потврди на профилот, може да ги замолите да направат неколку.

    Верувајте ѝ на интуицијата: ако не се чувствувате пријатно во врска со некоја резервација, не ја прифаќајте.

    Пополнете ги „Куќниот ред“ и „Упатството за користење на куќата“

    Ако ги пополните „Куќниот ред“ и „Упатството за користење на куќата“, на гостите ќе им биде полесно и ќе знаат што да очекуваат. Вклучете сѐ што би сакале луѓето да знаат пред да резервираат. На пример, дали (или каде) е дозволено пушење, дали има одредени простории каде влезот е забранет, која ви е лозинката за безжичниот интернет и дали гостите треба да се собујат пред да влезат.

    Ако во вашиот регион има природна непогода и би сакале да помогнете угостувајќи лица на кои им е потребно итно сместување, може да го огласите вашиот простор како бесплатно сместување.

    Не заборавајте да си обезбедите осигурување

    „Осигурувањето за заштита на домаќинот“ на Airbnb е програма со којашто се обезбедува покритие за примарна одговорност во износ до 1 000 000 американски долари по настан во случај на жалба од трета страна за телесна повреда или материјална штета поврзана со престој преку Airbnb.

    Исто така, разговарајте со осигурителната компанија за додавање на дополнителна заштита со сопствено осигурување за изнајмувач или сопственик на дом.

    Поставете барања за вашето сместување

    Може да побарате од гостите да потврдат некои податоци пред да резервираат, на пример со „Проверена идентификација“.

    Додавањето безбедносен депозит за вашето сместување може да ви помогне да се заштитите во случај на незгода, на пример, ако некој истури вино на тепихот.

    Прочитајте ги статиите за одговорно угостување на Airbnb

    Ги поттикнуваме домаќините сериозно да ги сфатат своите одговорности. Угостувањето нуди богато искуство, но доаѓа со одредени одговорности. Составивме статии за одговорно угостување што може да ви помогнат да почнете да учите што е потребно за да бидете домаќин во вашиот регион.

    Запомнете: во итен случај или ако личната безбедност ви е загрозена, веднаш контактирајте ја локалната полиција или итните служби.

    Ја добивте помошта што ви беше потребна?

    Поврзани статии